डॉ. बाबासाहेब आंबेडकरांचे नातू आनंदराज आंबेडकर निवडणूक रिंगणात, अमरावती मतदारसंघातील लढत वेगळ्या वळणावर

उमेदवारी अर्ज दाखल करण्‍यापूर्वी आनंदराज आंबेडकर यांनी शक्तिप्रदर्शन केले. त्‍यांनी याआधी कधीही निवडणूक लढविलेली नाही. ते पहिल्‍यांदाच निवडणुकीच्‍या रिंगणात उतरले आहेत. उमेदवारी अर्ज दाखल केल्‍यानंतर पत्रकारांशी बोलताना आनंदराज आंबेडकर म्‍हणाले, आपण सर्वांच्‍या विकासासाठी काम करणार आहोत. मतदारांचा प्रचंड उत्‍साह पाहून आपला विश्‍वास द्विगुणीत झाला आहे. मतदार आपल्‍यावर विश्‍वास ठेवून निवडून देतील, अशी अपेक्षा आहे. अमरावती मतदारसंघाचा सर्वांगिण विकास हाच आपला ध्‍यास असेल, असे ते म्‍हणाले.

आणखी वाचा

राज्याच्या अर्थसंकल्पात ‘लाडक्या बहिणी’, सामान्य नागरिक केंद्रबिंदू; उपमुख्यमंत्री अजित पवार यांचा दावा

Malasian Airlines: बेपत्ता MH370 चा शोध; पुण्यातील प्रल्हाद…

रायगड, नाशिकच्या पालकमंत्रीपदांचा तिढा लवकरच सुटेल – उपमुख्यमंत्री एकनाथ शिंदे

राज्य मंडळाचा मोठा निर्णय… दहावी, बारावीच्या परीक्षेत गैरप्रकार झाल्यास केंद्रांची मान्यता कायमस्वरुपी रद्द

राज्यात स्थानिक निवडणुका लांबणीवर का पडल्या? तिसरी बाजी कोणाची? 

ते ‘रेवड्या’ वाटतात, आम्ही ‘मोफत’ देतो; भाजपा नेते मनोज तिवारींची ‘आप’वर टीका

मतदार वाढीकडे केलेले दुर्लक्ष विधानसभा निवडणुकीत भोवले; विशाल पाटील यांची कबुली

Manoj Jarange : “आमच्यात वर्चस्वाची लढाई वगैरे…”, प्रकाश आंबेडकरांच्या टीकेला जरांगे पाटलांचे थेट उत्तर

हेही वाचा – “पक्षनिष्‍ठा आमचे भांडवल, कमजोरी नव्‍हे,” भाजपचे नेते तुषार भारतीय यांचा नवनीत राणांविरोधात सूर; म्हणाले…

आनंदराज आंबेडकर यांना वंचित बहुजन आघाडीने पाठिंबा दिल्‍याचा दावा त्‍यांच्‍या समर्थकांकडून करण्‍यात आला असला, तरी वंचित बहुजन युवा आघाडीचे प्रदेशाध्यक्ष नीलेश विश्‍वकर्मा यांनी मात्र अद्याप अधिकृतरीत्‍या आनंदराज आंबेडकर यांना पाठिंबा जाहीर करण्‍यात आलेला नाही, असे सांगितले. पाठिंब्‍याविषयीचा निर्णय हे वंचित बहुजन आघाडीचे नेते प्रकाश आंबेडकर आणि पक्षाची कार्यकारिणी घेईल, असेही त्‍यांनी स्‍पष्‍ट केले. वंचित बहुजन आघाडीने अमरावती मतदारसंघातून प्राजक्‍ता पिल्‍लेवान यांना यापूर्वीच उमेदवारी घोषित केली आहे. आनंदराज आंबेडकर हे गेल्‍या दोन वर्षांपासून सातत्‍याने अमरावतीचा दौरा करीत आहेत. आपण अमरावतीतून निवडणूक लढवावी, अशी स्‍थानिक कार्यकर्त्‍यांची इच्‍छा होती, असे त्‍यांचे म्‍हणणे आहे.

हेही वाचा – रथातच बसणार… शरद पवारांचा हट्ट अन् नेत्यांची उडाली तारांबळ

आनंदराज आंबेडकर यांच्‍या उमेदवारीमुळे मतदारसंघातील लढत ही वेगळ्या वळणावर पोहोचली आहे. अमरावतीतून कॉंग्रेसचे उमेदवार बळवंत वानखडे यांनी याआधीच उमेदवारी अर्ज दाखल केला असून उद्या बुधवारी प्रहार जनशक्‍ती पक्षाचे उमेदवार दिनेश बुब हे तर गुरुवारी ४ एप्रिल रोजी भाजपच्‍या उमेदवार नवनीत राणा या उमेदवारी अर्ज दाखल करणार आहेत.