मेळघाटातील सहा गावांचा मतदानावर बहिष्‍कार, ‘हे’ आहे कारण…

ग्रामस्थांनी मतदानावर बहिष्कार टाकल्यामुळे या गावातील मतदान केंद्र ओस पडले आहे. ग्रामस्थांनी मतदान करावे, यासाठी प्रशासनाकडून बरेच प्रयत्न करण्‍यात आले, मात्र ग्रामस्थ आपल्या भूमिकेवर ठाम आहेत. या गावांमध्‍ये एकूण १ हजार ३०० मतदार आहेत.

नक्की वाचा

Sanjay Shirsat : “नीट करुन टाकेन एका मिनिटात…”, संजय शिरसाटांची ठाकरे गटाच्या पदाधिकाऱ्याला धमकी? अंबादास दानवेंकडून व्हिडीओ ट्वीट

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Maharashtra Assembly Election 2024 Voting Live: महाराष्ट्रात ५ वाजेपर्यंत फक्त ५८.२२ टक्के मतदान; ६ वाजता वेळ संपली, आता एग्झिट पोलकडे लक्ष!

Donald Trump Won US Election 2024: दुसऱ्या टर्मसाठी डोनाल्ड ट्रम्प यांचा अजेंडा ठरला; पहिल्याच भाषणात केला उल्लेख, म्हणाले…

डोनाल्ड ट्रम्प यांच्या विजयानंतर अमेरिकेतील महिलांचा लैंगिक संबंधास नकार; कारण काय? काय आहे 4B चळवळ?

बिटकॉइन घोटाळा प्रकरणी ईडीची मोठी कारवाई; सुप्रिया सुळेंच्या कथित ऑडिओ क्लिपमध्ये नाव असलेल्या व्यक्तीच्या घरावर धाड

Nawab Malik: शरद पवार आणि एकनाथ शिंदे संपर्कात?, ‘निवडणुकीनंतर काहीही होऊ शकतं’, नवाब मलिक यांचा दावा

VIDEO : धनंजय मुंडेंच्या कार्यकर्त्यांची शरद पवारांच्या शिलेदाराला मारहाण? राष्ट्रवादीकडून निषेध; टोळीने आले अन्…

हेही वाचा…गडचिरोलीत १११ वर्षाच्या आजीचे उत्साहात मतदान, तरुण मतदारांना…

सर्वच मतदारांनी मतदानावर बहिष्कार टाकला आहे. गावामध्ये रोड, पाणी, नाल्या, वीज या संदर्भात समस्या आहेत. या समस्या न सुटल्यामुळे नागरिक आक्रमक झाले आहेत. आधी सोयी सुविधा द्या, मग मतदान मागायला या अशी भूमिका गावकऱ्यांनी घेतली आहे.लोकसभा निवडणुकीच्‍या वेळी मेळघाटातील चार गावांनी मतदानावर बहिष्‍कार टाकला होता. यात यावेळी दोन गावांची भर पडली आहे. लोकसभा निवडणुकीच्‍या वेळी रंगूबेली, धोकडा, कुंड आणि खामदा येथील गावकरी मतदान केंद्रांवर फिरकले नव्‍हते.

मेळघाटात अतिदुर्गम भागात वसलेल्या या चारही गावांना जोडणाऱ्या रस्‍त्‍यांची दुर्दशा झाली आहे. या गावात कुठले वाहन देखील पोहोचू शकत नाही, अशी अवस्था आहे. यासह वीज पुरवठा या चारही गावांमध्ये नाही, पिण्याचे पाणी देखील नाही. यासह आरोग्य सेवा देखील या गावांमध्ये उपलब्ध नाही. लोकप्रतिनिधी आणि प्रशासनाकडे अनेकदा तक्रारी आणि निवेदने सादर करून देखील गावाच्या कुठल्याही प्रश्नांसंदर्भात कोणी दखल घेतली नाही. त्यामुळे या चारही गावातील ग्रामस्थांनी आम्ही मतदान करणार नाही, आमचा निवडणुकीवर बहिष्कार आहे, अशी भूमिका घेतली आहे. नागरिकांनी मतदानावर बहिष्कार टाकण्याचा निर्णय घेतल्याने प्रशासनाकडून नागरिकांची मनधरणी करण्याचा प्रयत्न करण्‍यात आले. मात्र गावकरी बहिष्‍काराच्‍या भूमिकेवर ठाम आहेत. जिल्‍ह्यात शांततेत मतदान

हेही वाचा…राणा दाम्‍पत्‍य दुचाकीने मतदान केंद्रावर…

आज सकाळी ७ वाजतापासून मतदानाला उत्साहात सुरुवात झाली. मतदानासाठी सकाळपासूनच मतदारांनी केंद्रावर गर्दी करण्यास सुरुवात केली. अमरावती जिल्ह्यातील विधानसभेच्या आठही मतदारसंघांमध्ये मतदानासाठी मोठ्या संख्येने नागरिक घराबाहेर पडले आहेत. जिल्ह्यात सकाळी पहिल्या दोन तासात ६.०८ टक्के मतदान झाले. त्यानंतर मतदानाला वेग आला. सकाळी ११ वाजेपर्यंत १७.४५ टक्के मतदान झाले. दुपारनंतर मतदान केंद्राबाहेरील रांगांमध्ये वाढ झाली. दुपारी १ वाजेपर्यंत मतदानाच्या पहिल्या सहा तासांमध्ये अमरावती जिल्ह्यात सरासरी ३१.३२ टक्के मतदान झाले आहे. ६५ टक्‍क्‍यांच्‍या वर मतदानाचा अंदाज व्‍यक्‍त केला जात आहे.