नागपूर : देशात ई-कचऱ्यावरील प्रक्रियेचे प्रमाण नगण्य ; तीन वर्षात दुपटीहून अधिक वाढ

ई-कचरा (व्यवस्थापन) नियम, २०१६ अन्वये २१ प्रकारच्या इलेक्ट्रिकल आणि इलेक्ट्रॉनिक उपकरणांपासून ई-कचऱ्याची निर्मिती होते. त्यावर प्रक्रिया करण्यासाठी देशात एकूण ४७२ केंद्र आहेत. त्यात सर्वाधिक ११६ हे महाराष्ट्रात आहेत. केंद्रीय पर्यावरण खात्याच्या तपशीलानुसार, २०१७-१८ या वर्षात देशात एकूण ७ लाख ८४४५ टन ई-कचऱा तयार झाला.

हेही वाचा : चंद्रपूर : भूस्खलनाचा धोका असलेली १६० कुटुंबे स्थलांतरित

त्यापैकी ६९ हजार ४१३ टन म्हणजे ९.७ टक्के कचऱ्यावर प्रक्रिया करण्यात आली. २०१८-१९ मध्ये ७ लाख ११ हजार २१५ टनापैकी १ लाख ६४ हजार ६६३ टन (२१.३५ टक्के) तर २०१९-२० मध्ये १० लाख १४ हजार ९६१ टनापैकी २ लाख २२ हजार ४३६ टन म्हणजे २२ टक्के कचऱ्यावर प्रक्रिया करण्यात आली. २०२२ पर्यत कचरानिर्मिती १४.२६ लाख टनावर गेली. मात्र यापैकी किती कचऱ्यावर प्रक्रिया झाली याचा तपशील मिळू शकला नाही. महाराष्ट्रात ११६ प्रक्रिया केंद्र असून त्यांची क्षमता १ लाख ६ हजार २८० टन इतकी आहे.