नागपूर: तुमच्याही संसारात सासू हस्तक्षेप करते का? मग, वाचाच…

मागील काही वर्षांमध्ये घटस्फोटासाठी अर्ज करणाऱ्यांच्या संख्येमध्ये लक्षणीय वाढ झाली असून दाम्पत्य यासाठी का प्रवृत्त होतात, असा प्रश्न उद्भवत आहे. समुपदेशकांकडे येणारे बुहतांश नवनिवाहित मुले व मुलींचे सासूसोबतचे संबंध विकोपाला गेले असल्याचे सांगतात. सासूला सुनेतील दोष वा सुनेला सासूची संसारातील वाढती ढवळाढवळ मान्य नसते. यामुळे अनेकदा खटके उडतात. त्यामुळे कौटुंबिक कलह निर्माण होतो. याची परिणिती घटस्फोटासाठी अर्ज करण्यात होत असते. त्यामुळे पहिल्या टप्प्यात त्यांच्यात समेट घडवून आणण्यासाठी जिल्हा न्यायालय व शहर पोलिसांच्या ‘भरोसा सेल’मार्फत संबंधितांचे समुपदेशन केले जाते.

आणखी वाचा

पूर्व नागपुरात राष्ट्रवादीसमोर अडचणींचा डोंगर

जिथून गद्दार आसामकडे पळाले त्या सुरतसह महाराष्ट्रात शिवरायांची…

काँग्रेसने तिकीट दिले आणि वाऱ्यावर सोडले…आता दलित उमेदवार एकटाच……

केंद्र सरकारच्या ‘या’ विभागांमध्ये नोकरीची संधी, २३ नोव्हेंबरपर्यंत…

मोदींच्या सभेसाठी अकोल्यात जय्यत तयारी; काय बोलणार याकडे लक्ष?

फडणवीसांच्या मतदारसंघातील उमेदवार म्हणतो, “मी बेरोजगार, मला मत द्या…”

वणी : न घडलेल्या प्रकाराने राजकीय वातावरण ढवळून निघाले; कुणबी समजाबद्दलच्या वक्तव्यात बोलविता धनी कोण?

वर्धा : अखेर शरद पवार थेट ‘हिंगणघाटच्या शरद पवारां’च्या घरी, म्हणाले…

‘भाजपने महाराष्ट्र लुटण्यासाठीच मविआ सरकार पाडले’, उद्धव ठाकरेंचा आरोप

हेही वाचा >>> नागपूर: कारागृह पोलिसांचा ‘साइड बिझनेस’; १० ग्रॅम गांजासाठी ५ हजार तर १०० रुपये प्रतिमिनिट कॉलसाठी…

या माध्यमातून नात्यातील दुरावा कमी करीत, समेट घडवून आणण्याचे काम करण्यात येते. मागीलवर्षी सेलकडे २ हजार ५० प्रकरणे नोंदवण्यात आली. त्यामध्ये ७९४ दाम्पत्यांचे समेट घडवून आणण्यात आले. १५३ प्रकरणे पोलिसांकडे पाठवण्यात आली. गेल्या ८ महिन्यात १ हजार ९७१ प्रकरणे नोंदवण्यात आली. यापैकी बहुतांश प्रकरणांमध्ये दाम्पत्यांच्या संसारात मुलाच्या वा मुलीच्या आईने केलेली ढवळाढवळ हेच मुख्य कारण असल्याचे दिसून आले आहे. त्यामुळे बहुतांशी मुलगा वा मुलगी विभक्त होण्याच्या विचार करताना दिसून येतात, असे समुपदेशकांचे म्हणणे आहे.

हेही वाचा >>> नागपूर: सकारात्मक, विद्यार्थ्यांना वन्यजीव संवर्धनाचे महत्त्व पटवून देण्यासाठी शाळेने घेतले निलगाईला दत्तक

सुशिक्षित दाम्पत्यांचे प्रमाण अधिक

घटस्फोट घेणाऱ्यांमध्ये उच्चशिक्षित दाम्पत्यांचे प्रमाण अधिक आहे. भरोसा सेलमार्फत समुपदेशन करताना सुशिक्षित दाम्पत्यांचा आडमुठेपणा बऱ्याच प्रमाणात आडवा येतो. त्यामुळे बरीच प्रकरणे काडीमोडपर्यंत जाताना दिसून येतात. याउलट अशिक्षितांमध्ये याचे प्रमाण केवळ १५ टक्के असून त्यातही समेट होण्याचे प्रमाण अधिक असल्याचे दिसून येते.