नागपूर: कडू व राणा यांचा वाद मिटल्यात जमा – सुधीर मुनगंटीवार

नागपूर : माजी राज्यमंत्री बच्चू कडू व आमदार रवी राणा यांच्यातील वाद मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या मध्यस्थीनंतर मिटल्यात जमा आहे, असे वनमंत्री सुधीर मुनगंटीवार यांनी म्हणाले. ते सोमवारी नागपुरात पत्रकारांशी बोलत होते. रवी राणा यांनी गुवाहाटीला गेलेल्या आमदारांनी पैसे घेतल्याचा आरोप केला होता. त्यामुळे बच्चू कडू संतप्त झाले आणि पैसे घेतल्याचा पुरावा १ नोव्हेंबरपर्यंत देण्याचे आव्हान राणा यांना दिले होते. एवढेच नव्हेतर मुख्यमंत्री आणि उपमुख्यमंत्र्यांना यात हस्तक्षेप करण्याची मागणी केली होती.