निवडणूकपूर्व अंतिम बैठकीतही भाजपचाच बुलढाण्यावर दावा!

बुलढाणा जिल्ह्याच्या घाटावरील बुलढाणा, मेहकर, देऊळगाव राजा, लोणार, सिंदखेडराजा, चिखली तालुक्यातील प्रमुख पदाधिकाऱ्यांची लोकसभा आढावा बैठक मेहकर येथे पार पडली. यावेळी आमदार श्वेता महाले पाटील, भाजप बुलढाणा लोकसभा प्रमुख तथा माजी आमदार विजयराज शिंदे , जिल्हाध्यक्ष गणेश मांटे, लोकसभा समन्वयक मोहन शर्मा, विस्तारक संतोष देशमुख, मेहकर विधानसभा प्रमुख प्रकाश गवई यांची प्रमुख उपस्थिती होती. सहा तालुक्यातील पदाधिकारी बहुसंख्येने उपस्थित होते.

आणखी वाचा

कल्याणमधील भटक्या श्वानाचे तीन जणांना चावे, भटक्या श्वानांच्या उपद्रवाने नागरिक, शाळकरी विद्यार्थी त्रस्त

वाल्मिक कराड ज्या गाडीतून शरण आला त्या गाडीच्या…

शिराळ्यात गव्यांकडून दोनशे एकर शेतीचे नुकसान

सतीश वाघ खून प्रकरणात पत्नी सामील, मारेकऱ्यांना पाच लाखांची सुपारी; पत्नी गजाआड

अर्ज भरण्यात माझ्याकडूनच चूक! खेलरत्न पुरस्कार वादावरून मनूचे स्पष्टीकरण

डॉ. बाबासाहेब आंबेडकर यांचे नाव आमची पॅशन – जितेंद्र आव्हाड

मंत्री संजय शिरसाट यांचा रोख अब्दुल सत्तारांवर

दिल्लीत यंदा भाजपची बाजी? ‘आप’साठी निवडणूक आव्हानात्मक का?

हेही वाचा – भाजपला उमेदवार मिळत नसल्याने पक्ष फोडतात – जितेंद्र आव्हाड

हेही वाचा – मोदींनी जुमल्याचे नावच ‘मोदी की गॅरंटी’ केले, यवतमाळात उद्धव ठाकरे बरसले

विजयराज शिंदे म्हणाले की, बुलढाणा लोकसभेची जागा भाजपला देण्याची मागणी पक्षाकडे कार्यकर्त्यांच्या वतीने लावून धरली आहे. जेव्हाही बैठक होते, नियोजन सांगितले जाते, तेव्हा कार्यकर्ते, ‘पण हे सर्व कोणासाठी करायचे?’ असा प्रश्न विचारतात. त्यांनी असे म्हणताच कार्यकर्त्यांनी हो असे सांगितले. आमदार महाले यांनीही पक्षश्रेष्ठींकडे कार्यकर्त्यांची ही मागणी रेटून धरावी, अशी विनंती केली. समारोपात त्यांनी, ‘बुलढाणा लोकसभेची जागा’ असे म्हणताच सर्व कार्यकर्त्यांनी, ‘भाजपला मिळालीच पाहिजे, मिळालीच पाहिजे’ अशा जोरदार घोषणा दिल्या.