अकोला : संचारबंदीमुळे विद्यापीठाच्या परीक्षा पुढे ढकलल्या

शहरामध्ये जिल्हाधिकारी यांचे पत्र क्रमांक कक्ष-२/गृह/प्र.स/कावि-२३१/२०२३ दिनांक १४ मे २०२३ अन्वये कलम १४४ लागू करण्यात आलेली आली. शहरातील चार पोलीस ठाण्याच्या परिसरात संचारबंदी लागू आहे.

हेही वाचा – गोंदिया : स्वातंत्र्यानंतरही समतेची कविता लिहावी लागणे देशाचं दुर्दैव; ज्येष्ठ साहित्यिक डॉ. श्रीपाद जोशींनी व्यक्त केली खंत

या पार्श्वभूमीवर संत गाडगेबाबा अमरावती विद्यापीठाने शहरातील परीक्षा केंद्र क्रमांक २०१, २०५, २०६, २०७, २१०, २१२, २१४, २२१, २२५, २२९, २३१ वरील १५ मे रोजी नियोजित दोन्ही शिफ्टमध्ये होणाऱ्या विषयाच्या परीक्षा पुढे ढकलण्यात आल्या आहेत. पुढील परीक्षांबाबत वेळोवेळी माहिती देण्यात येईल, असे विद्यापीठ प्रशासनाकडून स्पष्ट करण्यात आले आहे.