विधानसभा निवडणुकीत मुनगंटीवार विजयी होणार? निकालापूर्वीच चंद्रपुरात…

मतमोजणी शनिवार २३ नोव्हेंबर रोजी सकाळी आठ वाजतापासून सुरू होणार आहे. मात्र उत्साही कार्यकर्त्यांना निकालाची प्रतीक्षा करायलाही वेळ नाही. त्यामुळे उत्साही चाहते व कार्यकर्त्यांनी राज्याचे वनमंत्री सुधीर मुनगंटीवार यांच्या विजयाचे फलक शहरात ठिकठिकाणी आजपासूनच लावायला सुरुवात केली आहे.

हेही वाचा…थेट अमित शहांकडून पुर्नवसनाचा शब्द मिळूनही माजी आमदाराचा सन्यास…म्हणाले, काय भरवसा?…

मुनगंटीवार यांच्या निवासस्थानासमोर देखील योगेश भागवत या उत्साही कार्यकर्त्याने कर्तृत्व आणि नेतृत्व सुधीर मुनगंटीवार बल्लारपूर मतदार संघातून प्रचंड मतांनी विजयी झाल्याबद्दल हार्दिक अभिनंदन, अशा आशयाचे फलक लावले आहेत. या फलकाची राजकीय वर्तुळात चांगलीच चर्चा रंगली आहे. निवडणूक निकालाला एक दिवसांचा कालावधी शिल्लक असताना अशा प्रकारे अभिनंदनाचे फलक लागत असल्याने मुनगंटीवार समर्थक उत्साहात असल्याचे स्पष्ट होत आहे. मुनगंटीवार विजयी होतील असा विश्वास त्यांच्यात दिसत आहे.