अमरावती : शेतकरी महिलेची बलात्कारानंतर दगडाने ठेचून हत्या

हेही वाचा >>> अकरावीची विद्यार्थिनी चार महिन्यांची गर्भवती ; प्रियकराचे नाव सांगण्यास नकार

धारणी तालुक्यातील एका गावात ५१ वर्षीय मृत महिलेची शेती आहे, तर आरोपी सचिनचीदेखील तेथे शेती आहे. बुधवारी सकाळी ही महिला शेतात आली. तेथे शेताच्या बांधावर बैल चारण्याच्या कारणावरून आरोपी सचिन व तिच्यात बाचाबाचीनंतर झटापट झाली. त्यादरम्यान, सचिनने शेताच्या बांधावर तिच्यावर बलात्कार केला. नंतर त्याने तिची दगडाने ठेचून हत्या केली. हत्या केल्यानंतर आरोपीने तिला घटनास्थळी निर्वस्त्र टाकून पळ काढला. सायंकाळचे सात वाजूनही पत्नी घरी न आल्याने तिच्या पतीने शेत गाठले.

त्यावेळी परिसरातील शेतकरी मनोज जाधव याने आरोपी सचिन येथून पळत गेल्याची माहिती त्याला दिली. शेताच्या बांधावर पोहोचताच त्याला पत्नी निर्वस्त्र व मृतावस्थेत आढळली. त्याने लगेच गावात पोहचून पोलीस पाटील यांना माहिती दिली, त्यानंतर लगेच पोलिसांना कळवण्यात आले. वरिष्ठ पोलीस अधिकारी आणि पोलीस पथक घटनास्थळी पोहचले. त्यांनी गावकऱ्यांच्या मदतीने महिलेचा मृतदेह धारणी उपजिल्हा रुग्णालयात आणला. आरोपीचा रात्रीच शोध घेऊन त्याला अटक करण्यात आली. गुरुवारी उपजिल्हा रुग्णालयात शवविच्छेदन करून महिलेचे पार्थिव कुटुंबीयांच्या सुपूर्द करण्यात आले.