लोकसत्ता टीम नागपूर : करण अपार्टमेंट नवाबपुरा येथे शेंडे कुटुंबीय वास्तव्याला आहे. घरी दत्तात्रय हे त्यांचा मोठा मुलगा प्रणव (३५), लहान मुलगा कुशल ऊर्फ इंगा आणि भावाचा मुलगा चैतन्य ऊर्फ गणू अनिल शेंडे (२३) यांच्यासोबत राहतात. कुशलने शनिवारी दुपारी वडील दत्तात्रय यांना पाय दाबण्यास सांगितले. मात्र, वडिलांनी त्याला नकार दिला. यातूनच चिडलेल्या कुशलला राग आला. त्याने वडिलांना शिवीगाळ करत त्यांना जबर मारहाण केली. दुपारी ४.३० ते संध्याकाळी ६.३० वाजताच्या दरम्यान ही घटना घडली. मारहाणीत जखमी झालेल्या दत्तात्रय यांना मोठा मुलगा प्रणव व चुलतभाऊ चैतन्य यांनी उपचारासाठी मेयो रुग्णालयात दाखल केले. परंतु, डॉक्टरांनी तपासून मृत घोषित केले. आणखी वाचा-नागपूर : ‘जिसके घर शीशे के होते है…’, संजय राऊत यांना नितीन राऊत यांचा टोला घटनेची माहिती पोलिसांना दिल्यानंतर पोलीस निरीक्षक मनीषा काशीद यांच्यासह कर्मचारी घटनास्थळी पोहोचले. पोलिसांनी घटनास्थळावरून रक्ताचे नमुने गोळा केले. यानंतर आरोपी कुशल याला ताब्यात घेतले. याप्रकरणी चुलत भाऊ प्रणव शेंडे यांनी दिलेल्या तक्रारीवरून कोतवाली पोलिसांनी आरोपी कुशल विरुद्ध गुन्हा दाखल करत त्याला अटक केली. गुंड प्रवृत्तीच्या मुलाने ६२ वर्षांच्या वडिलांना पाय दाबायला लावले. वडिलांनी नकार दिल्यावर चिडलेल्या मुलाने वडिलांवर थेट जीवघेणा हल्ला केला. गंभीर जखमी झालेल्या वडिलांचा यात मृत्यू झाला. कोतवाली ठाण्यांतर्गत ही घटना घडली. दत्तात्रय बाळकृष्ण शेंडे (६२) असे मृत वडिलांचे नाव आहे. तर, कुशल ऊर्फ इंगा दत्तात्रय शेंडे (३३, रा. फ्लॅट नंबर १ करण अपार्टमेंट नवाबपुरा) असे मुलाचे नाव असून त्याला पोलिसांनी अटक केली आहे.
