नागपूर : मादी श्वानाचे  ‘सिझेरीन’! ; सात पिल्लं सुरक्षित

सदर परिसरात राहणाऱ्या अपर्णा रेड्डी या भारतीय रेल्वेमध्ये कार्यरत असून कार्यालयातून परतताना त्यांच्या लक्षात आले की, रस्त्यावरील एक भटकी मादी श्वान गर्भवती असून मागील दोन दिवसांपासून अस्वस्थ आहे. त्यांनी आजूबाजूला चौकशी केली असता कळले की, दोन दिवसांपासून या मादी श्वानाची प्रसूती अडली आहे. एकच पिल्लू अर्धवट बाहेर आलेले आहे. रेड्डी यांना या मादी श्वानाची अवस्था बघवली नाही. त्यामुळे त्यांनी त्वरित आपल्या भाचीच्या मदतीने रात्री आठ वाजताच्या सुमारास अलंकार चौकातील महाराष्ट्र पशु व मत्स्य विज्ञान विद्यापीठाच्या पशुवैद्यक रुग्णालयात आणले.

आणखी वाचा

महाराष्ट्रातील वाघ बहेलियांच्या रडारवर! राज्याला “रेड अलर्ट” !

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

भटक्या श्वानाच्या हल्ल्यात दोन अग्निशमन कर्मचारी जखमी

कोपरीत ५ फेब्रुवारीपर्यंत चिकन, मटन विक्री दुकाने राहणार बंद; ठाणे महापालिकेने दिली दुकानदारांना नोटीस

जेएनपीए विस्थापित कोळीवाडा ग्रामस्थ पुन्हा आक्रमक; पुर्नवसनासाठी जेएनपीए समुद्र चॅनेल बंद केले

कोल्हापुरात मंत्री-पालकमंत्री पदावरून खदखद वेशीवर

वाघाचा अपघातात मृत्यू, आईपासून दुरावला अन्…

बार्शीतील वाघाचे भय संपेना! महिन्यानंतरही वाघ मोकाट, जनावरांची शिकार सुरूच

महाविद्यालयाच्या प्राध्यापकांनी या स्थितीचे गांभीर्य ओळखून रात्रीच त्वरित रुग्णालयात धाव घेतली आणि तपासण्या करून सिझेरीन करण्याचा निर्णय घेतला. बिकट अवस्थेत असलेल्या मादी श्वानावर शल्यचिकित्सक डॉ. संदीप आखरे आणि डॉ. गौरी खंते यांच्या चमूने कौशल्य पणाला लावून उशिरापर्यंत शस्त्रक्रिया करून एकूण सात पिल्लं सुरक्षितपणे जिवंत बाहेर काढली. मादी श्वान आणि पिल्लांची प्रकृती सध्या स्थिर असून ते रुग्णालयात देखरेखीखाली आहेत. माफसूचे डॉ. लिमसे यांनीही औषधांची मदत केली. शस्त्रक्रियेदरम्यान डॉ. रामप्रसाद मंदाडे, डॉ. सद्दाम हुसेन, डॉ. पायघन, डॉ. राहुल धोंगडे, डॉ. वरद धूत, डॉ. काळे आणि निहाल शेख या महाविद्यालयातील पदव्युत्तरच्या विद्यार्थ्यांनी परिश्रम घेतले.