नागपूर : अंबाझरी येथील डॉ. बाबासाहेब आंबेडकर सांस्कृतिक भवन पाडल्याप्रकरणी गरुडा ॲम्युझमेंट पार्क या कंपनीच्या संचालकाविरुद्ध गुन्हे दाखल करण्याचे आदेश प्रथम श्रेणी न्याय दंडाधिकारी, नागपूर यांनी दिले.
अंबाझरी तलावाशेजारील डॉ. आंबेडकर सांस्कृतिक भवन पाडल्याप्रकरणी संबंधितांवर गुन्हा दाखल करण्यासाठी डॉ. आंबेडकर स्मारक बचाव कृती समितीचे सदस्य राजेश महादेव गजघाटे यांनी याचिका दाखल केली होती. न्यायालयाने सुनावणीअंती मे. गरुडा ॲम्युझमेंट पार्क लि.चे संचालक नरेंद्र जिचकार, प्रवीण जैन यांच्यासह चौघांविरुद्ध गुन्हे दाखल करण्याचे आदेश मंगळवारी दिले. तसेच या प्रकरणाचा तपास करून अहवाल सादर करण्याचे आदेश अंबाझरी पोलिसांनी दिले. मात्र, महाराष्ट्र पर्यटन विकास महामंडळाचे व्यवस्थापकीय संचालक आणि प्रादेशिक संचालक यांच्याविरुद्ध गुन्हा दाखल करण्याची विनंती नाकारण्यात आली.
आंबेडकर भवन पडणाऱ्यांविरुद्ध गुन्हा दाखल करण्याच्या मागणीसाठी डॉ. बाबासाहेब आंबेडकर स्मारक बचाव समिती १०५ दिवसांपासून आंदोलन करीत आहे. अंबाझरी पोलिसांकडे अनेकदा तक्रारदेखील करण्यात आली. परंतु पोलिसांनी अद्याप गुन्हा दाखल केला नाही. त्यामुळे समितीच्या वतीने गजघाटे यांनी न्यायालयात दाद मागितली.
महाराष्ट्र पर्यटन विकास महामंडळाने (एमटीडीसी) अंबाझरी उद्यान आणि स्मारकाची ४४ एकर जमीन गरुडा कंपनीला ३० वर्षांसाठी लीजवर दिली आहे. या कंपनीने कोणाचीही परवानगी न घेता येथील झाडे कापली आणि इमारत पाडल्याचा आरोप आहे. या प्रकरणाच्या चौकशीचे आदेश राज्याचे अतिरिक्त मुख्य आयुक्त यांनी नागपूर विभागीय आयुक्तांना दिले आहेत. त्याचा तपास अद्याप झालेला नाही. आपण झाडे कापली नाहीत, आंबेडकर भवन पाडले नाही. भवन आणि ९० ते १०० झाडांची पडझड वादळाने झाल्याचा दावा या कंपनीचे संचालक नरेंद्र जिचकार आणि इतरांनी केला आहे.
दरम्यान, उद्ध्वस्त भवनाच्या ढिगाऱ्यावर डॉ. आंबेडकर जयंती साजरी करता यावी म्हणून आंदोलक उच्च न्यायालयात गेले होते. न्यायालयाच्या परवानगीने येथे जयंती साजरी करण्यात आली. आता भवन पाडणाऱ्यांविरुद्ध गुन्हा दाखल करण्याचे आदेश न्यायालयाने दिले आहेत.
अंबाझरी तलावाशेजारील डॉ. आंबेडकर सांस्कृतिक भवन पाडल्याप्रकरणी संबंधितांवर गुन्हा दाखल करण्यासाठी डॉ. आंबेडकर स्मारक बचाव कृती समितीचे सदस्य राजेश महादेव गजघाटे यांनी याचिका दाखल केली होती. न्यायालयाने सुनावणीअंती मे. गरुडा ॲम्युझमेंट पार्क लि.चे संचालक नरेंद्र जिचकार, प्रवीण जैन यांच्यासह चौघांविरुद्ध गुन्हे दाखल करण्याचे आदेश मंगळवारी दिले. तसेच या प्रकरणाचा तपास करून अहवाल सादर करण्याचे आदेश अंबाझरी पोलिसांनी दिले. मात्र, महाराष्ट्र पर्यटन विकास महामंडळाचे व्यवस्थापकीय संचालक आणि प्रादेशिक संचालक यांच्याविरुद्ध गुन्हा दाखल करण्याची विनंती नाकारण्यात आली.
आंबेडकर भवन पडणाऱ्यांविरुद्ध गुन्हा दाखल करण्याच्या मागणीसाठी डॉ. बाबासाहेब आंबेडकर स्मारक बचाव समिती १०५ दिवसांपासून आंदोलन करीत आहे. अंबाझरी पोलिसांकडे अनेकदा तक्रारदेखील करण्यात आली. परंतु पोलिसांनी अद्याप गुन्हा दाखल केला नाही. त्यामुळे समितीच्या वतीने गजघाटे यांनी न्यायालयात दाद मागितली.
महाराष्ट्र पर्यटन विकास महामंडळाने (एमटीडीसी) अंबाझरी उद्यान आणि स्मारकाची ४४ एकर जमीन गरुडा कंपनीला ३० वर्षांसाठी लीजवर दिली आहे. या कंपनीने कोणाचीही परवानगी न घेता येथील झाडे कापली आणि इमारत पाडल्याचा आरोप आहे. या प्रकरणाच्या चौकशीचे आदेश राज्याचे अतिरिक्त मुख्य आयुक्त यांनी नागपूर विभागीय आयुक्तांना दिले आहेत. त्याचा तपास अद्याप झालेला नाही. आपण झाडे कापली नाहीत, आंबेडकर भवन पाडले नाही. भवन आणि ९० ते १०० झाडांची पडझड वादळाने झाल्याचा दावा या कंपनीचे संचालक नरेंद्र जिचकार आणि इतरांनी केला आहे.
दरम्यान, उद्ध्वस्त भवनाच्या ढिगाऱ्यावर डॉ. आंबेडकर जयंती साजरी करता यावी म्हणून आंदोलक उच्च न्यायालयात गेले होते. न्यायालयाच्या परवानगीने येथे जयंती साजरी करण्यात आली. आता भवन पाडणाऱ्यांविरुद्ध गुन्हा दाखल करण्याचे आदेश न्यायालयाने दिले आहेत.
