नागपूर: कुलगुरूंशी जवळीक असल्याचे सांगून आर्थिक फसवणूक; डॉ. धर्मेश धवनकर प्रकरणात नवीन माहिती आली समोर

धवनकर यांनी आपल्या निकटच्या प्राध्यापकांची फसवणूक करून लाखोंची खंडणी वसूल करण्याच्या प्रकरणाने खळबळ उडाली आहे. यासंदर्भात फसवणूक झालेल्या एका प्राध्यापकांनी त्यांचा अनुभव सांगितला, धवनकर यांनी त्यांना भ्रमणध्वनीवर वारंवार संपर्क साधून भेटायला बोलावले. तुमच्या विरोधात विद्यापीठाकडे लैंगिक छळाची तक्रार झाली असून याची चौकशी करण्यासाठी उच्चस्तरीय चौकशी समिती नियुक्त केली आहे. त्यात मी स्वत: असल्यामुळे आणि कुलगुरूंच्या निकट असल्यामुळे मला हे माहिती झाले. यातून तुम्हाला कसे बाहेर काढता येईल म्हणून प्रयत्न करीत आहे. तुम्हाला पुढे पदोन्नती मिळू नये म्हणून शिक्षण मंचाने तुमच्या विभागातील काही प्राध्यापिकांना हाताशी धरून ही खेळी खेळली. प्रकरण प्रसार माध्यमांकडे प्रकरण जाण्याची शक्यता आहे, असे सांगितले. हे ऐकून संबंधित प्राध्यापकाच्या पायाखाली वाळू सरकली.

आणखी वाचा

आरोपांनंतर धनंजय मुंडे मुख्यमंत्र्यांच्या भेटीला; देशमुख हत्या प्रकरणातील आरोपींना फाशीची शिक्षा देण्याची मागणी

Goa Tourism : गोव्याकडे देश-विदेशातील पर्यटकांची पाठ? शॅक…

Rahul Gandhi : राहुल गांधींचा गंभीर आरोप, “सोमनाथ सूर्यवंशी दलित असल्यानेच त्याची हत्या…”

तर पीक विम्याच्या बोगस प्रकरणाची सखोल चौकशी- देवेंद्र फडणवीस

बारामतीत तरुणाचा खून करुन पसार झालेले तिघे, गजाआड

गुंडांना खुद्द मुख्यमंत्र्यांचे संरक्षण, डॉ. नितीन राऊत म्हणाले…

Rahul Gandhi : राहुल गांधींनी प्रतिष्ठेला धक्का पोहचवाल्याचा आरोप करणाऱ्या भाजपाच्या महिला खासदार आहेत कोण?

पुणे : कामाचे पैसे मागितल्याने दोघांवर कोयत्याने वार, खुनाचा प्रयत्न केल्याप्रकरणी एकाला अटक

हेही वाचा : लैंगिक शोषणाच्या तक्रारीची भीती दाखवत प्राध्यापकांची लूट!; नागपूर विद्यापीठाच्या जनसंपर्क अधिकाऱ्याविरुद्ध तक्रार

दोन दिवसांनी प्राध्यापकांना विभागात बोलावून आपल्या गाडीत बसवले व तुम्ही खूप नशीबवान आहात. माझे जवळचे असल्यामुळे मी मध्यस्थी केली. चौकशी समितीमधला वकील दहा लाख मागत होता. मी त्याला माझे मोठे भाऊ असल्याचे सांगून पाच लाख देण्याचे कबूल केले व स्वत:जवळचे दोन लाखही दिले. नाही तर हिंदी विभागातील अशाच प्रकारचे (पांडेंचे) प्रकरण तुम्हाला माहितीच आहे, असे सांगून प्राध्यापकाकडून पाच लाख मागितले. मात्र, स्वत:वर पूर्ण विश्वास असल्याने त्यांनी या प्रकरणाची चर्चा इतर सहकाऱ्यांशी केली असता त्यांच्यासोबतही असाच प्रकार घडल्याचे त्यांना कळून चुकले. खंडणीखोर धवनकर यांचे प्रकरण समोर आले.

हेही वाचा : गडचिरोली : मंत्री संजय राठोड प्रकरणी न्यायालयीन लढाई सुरूच ठेवणार; चित्रा वाघ यांची स्पष्टोक्ती

धवनकरांवर आधीही झाले आहेत आरोप
डॉ. धवनकर यांनी याआधीही पाकिस्तानला शैक्षणिक सहल घेऊन जाण्याच्या नावावर विद्यार्थ्यांचे पैसे लुबाडल्याचा आरोप होता. यावेळी ते चार वर्षांसाठी निलंबित केले होते. त्यानंतर नजिकच्याच काळात दिल्ली येथे शैक्षणिक सहल घेऊन गेले असताही विद्यार्थ्यांचे पैसे लुबाडल्याचा आरोप झाला होता. यासंदर्भातही चौकशी समिती नेमण्यात आली होती.