भंडारा : ‘टी-१३’ वाघाचा मृतदेह आढळल्याने खळबळ

माहिती मिळताच नवेगांव- नागझिराच्या व्याघ्र प्रकल्पाचे संचालक जयराम गवडा, उपसंचालक पवन जेफ, साकोली वन परिक्षेत्राचे सहाय्यक वन संरक्षक रोशन राठोड ताबडतोब त्यांच्या चमुसह घटनास्थळी पोहोचले. पशू वैद्यकीय अधिकारी देशमुख आणि भडके यांनी शव विच्छेदन केले आहे. वन्यजीव मानद सदस्य नदीम खान, शाहिद खान आणि पर्यावरण संरक्षण संस्थेचे अझहर हुसेन यांनी सांगितले की, या वाघाचे सर्व अवयव साबूत असल्याने घातपाताची शक्यता नाही, मात्र मृत्यूचे नेमके कारण अद्याप समजू शकले नाही.