नागपूर : मंत्री म्हणाले ३ तारखेला, प्रशासन म्हणते ५ ला, पूरग्रस्तांना मदतीची प्रतीक्षा

मदत देण्याची कार्यवाही प्रशासनाकडून सुरू करण्यात आली असून बुधवारी किंवा गुरुवारी प्रत्यक्ष मदत पूर बाधितांच्या बँक खात्यात जमा होईल, असा दावा जिल्हा प्रशासनाने केला आहे.

नागपूर : मंत्री म्हणाले ३ तारखेला, प्रशासन म्हणते ५ ला, पूरग्रस्तांना मदतीची प्रतीक्षा (छायाचित्र - लोकसत्ता टीम)

नागपूर : नागपूरमध्ये पूर येऊन आठ दिवस उलटले तरी अद्याप पूरग्रस्तांना मदत मिळाली नाही. मदत व पूनर्वसन मंत्री नागपूरला येऊन गेले. ३ ऑक्टोबरपासून पूरग्रस्तांना मदत वाटप सुरू होईल, असे सांगितले होते. पण प्रशासन म्हणते ५ ऑक्टोबरपासून मदत मिळेल.

अतिवृष्टीमुळे २३ सप्टेंबरला नदी, नाल्यांचे पाणी नागरिकांच्या घरात शिरले. नुकसानग्रस्त कुटुंबाला तात्पुरती मदत म्हणून शासनाकडून १० हजार रुपयांचे सानुग्रह अनुदान देण्यात येणार आहे. मदत देण्याची कार्यवाही प्रशासनाकडून सुरू करण्यात आली असून बुधवारी किंवा गुरुवारी प्रत्यक्ष मदत पूर बाधितांच्या बँक खात्यात जमा होईल, असा दावा जिल्हा प्रशासनाने केला आहे.

आणखी वाचा

if congress in power will cancels adani contract

धारावी प्रकल्प रद्द करणार! काँग्रेसचा ‘मुंबईनामा’ जाहीर

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Supreme Court orders MHADA to submit details of flats grabbed by developers Mumbai print news

विकासकांनी हडपलेल्या सदनिकांची माहिती असमाधानकारक ! पुन्हा माहिती सादर करण्याचे ‘म्हाडा’ला आदेश

निवडणुकीमुळे राज्यातील शाळांना तीन दिवस सुटी? शिक्षण विभागाच्या सूचना काय?

Deputy Chief Minister Devendra Fadnavis announced that will waive off the loans of farmers after mahayuti govt

“शेतकऱ्यांचा सातबारा कोरा करू”, उपमुख्यमंत्री देवेंद्र फडणवीस यांची घोषणा

indian rupee falls to all time low against us dollar

अग्रलेख : काका… मला वाचवा!

Brahmagiri Action Committees protest against hill climbing in front of Collectors office suspended

फिरत्या पथकाची आता खाणींवर नजर, वन विभागाच्या आश्वासनानंतर ब्रम्हगिरी कृती समितीचे आंदोलन स्थगित

The Meteorological Department has given the forecast of rain in the state of Maharashtra

थंडी सुरू झाली नाही की आता पाऊस येऊन धडकणार…राज्यातील या भागात…

हेही वाचा – चुकीला माफी नाही! एक चूक पडणार कोटी रुपयांची; नेमका काय आहे प्रकार? वाचा सविस्तर…

पहिल्या टप्प्यात १० हजार घरांचे नुकसान झाल्याचा अंदाज व्यक्त करण्यात आला होता. परंतु, पुराची तीव्रता अधिक असल्याने पूरपीडितांची संख्या २५ हजार कुटुंबांपर्यंत जाण्याची शक्यता आहे. मदत व पुनर्वसन मंत्री अनिल पाटील यांनी १७ हजारांचा अंदाज व्यक्त केला होता. आतापर्यंत २२ हजारांच्यावर पंचनामे झाले. मंत्री अनिल पाटील यांनी ३ ऑक्टोबरपासून अनुदान वाटप सुरू केले जाणार असल्याचे सांगितले होते. त्यानुसार पहिल्या टप्प्यात पाच लाखांचे देयक कोषागाराकडे सादर करण्यात आले आहे. शासनाकडून पूरपीडितांसाठी रक्कम कोषागाराकडे पाठवण्यात आली आहे. कोषागार कार्यालय ही रक्कम बँकेकडे वळती करेल व त्यानंतर बँकेमार्फत पीडितांच्या खात्यात ती वळता होईल. बुधवारी दुपारनंतर किंवा तांत्रिक कारण आल्यास गुरुवारपासून पूरबाधितांच्या खात्यात रक्कम जमा केली जाणार आहे. ५ हजार कुटुंबांनाही ही मदत पोहोचता होईल, असे नागपूरचे तहसीलदार संतोष खंडारे यांनी सांगितले. २३ सप्टेंबरला महानगरात निर्माण झालेल्या परिस्थितीचे पंचनामे करण्यासाठी सध्या १८० कर्मचाऱ्यांच्या ५० चमू कार्यरत आहेत. शहराच्या सीमावर्ती भागातील पंचनामे सध्या सुरू असल्याचे जिल्हा प्रशासनाकडून कळवण्यात आले आहे.

हेही वाचा – अकोला : ई-पीक प्रकरणात मुख्यमंत्री, मंत्र्यांना बजावली नोटीस, नेमकं प्रकरण काय जाणून घ्या..

दरम्यान, आतापर्यंत २२ हजार पंचनामे पूर्ण झाले असून उर्वरित पंचनामे लवकरच पूर्ण करण्यात येणार आहे. ज्यांचे पंचनामे झाले नाही त्यांनी संयम ठेवावा, प्रशासनाकडून सर्वांचे पंचनामे करण्यात येईल, असे आश्वासन जिल्हाधिकारी डॉ. विपीन इटनकर यांनी दिले आहे. पंचनामे करण्यात आलेल्या खातेधारकांनी रक्कम खात्यात जमा झाली किंवा नाही याबाबतची खातरजमा करावी, असे आवाहनही जिल्हा प्रशासनाने केले आहे.

First published on: 04-10-2023 at 11:51 IST

Web Title: Flood victims in nagpur await relief cwb 76 ssb