बुलढाणा: जळगावच्या येनगावमध्ये पुराचे पाणी; तालुक्याशी संपर्क तुटला, शेतीला तळ्याचे स्वरूप

बुलढाणा: जळगाव जामोद तालुक्यातील येनगावजवळून वाहणाऱ्या व आज सकाळपासून दुथडी भरून वाहणाऱ्या जोगेश्वरी नदीला आलेल्या पुराचे पाणी घुसलेच! यामुळे गावात व शिवारातील शेतात पाणीच पाणी झाले आहे. नदीकाठच्या घरात पाणी शिरल्याने नागरिक भयभीत झाले आहे.
रात्रभरापासून झालेल्या मुसळधार पावसाने जोगेश्वरीला मोठा पूर आला आहे.