आयपीएलच्या इतिहासात पहिल्यांदाच विदर्भाच्या खेळाडूला कर्णधारपद….

 जितेशने इंग्लंडचा खेळाडू सॅम करण याच्याकडून कर्णधारपदाची जबाबदारी घेतली.  सॅम करणची पाकिस्तान विरुद्धच्या सामन्यासाठी इंग्लंड संघात निवड झाल्याने तो मायदेशी परतला आहे. त्यामुळे जितेश शर्माकडे कर्णधारपदाची जबाबदारी देण्याचा निर्णय संघ व्यवस्थापनाने घेतला. आतापर्यंत विदर्भाच्या संघातील अनेक खेळाडूंनी आयपीएलमधील विविध संघाकडून सामने खेळले आहेत. मात्र कर्णधारपदाची जबाबदारी मिळविणारा जितेश शर्मा हा पहिलाच खेळाडू आहे. आयपीएलमध्ये विदर्भाच्या संघातून आतापर्यंत उमेश यादव, फैज फजल,श्रीकांत वाघ, अमित पौनीकर, अथर्व तायडे, यश ठाकूर, शुभम दुबे आणि दर्शन नालकंडे यांनी आयपीएल स्पर्धेत भाग घेतला आहे. जितेशने २०२२ मध्ये आयपीएलमध्ये पहिला सामना खेळला होता. त्याने आतापर्यंत ३९ आयपीएलचे सामने खेळले आहेत. यंदाच्या हंगामात १३ सामन्यामध्ये १२२ च्या स्ट्राईक रेटसह जितेशने १५५ धावा काढल्या आहेत. आयपीएलचा मागचा हंगाम जितेशसाठी अधिक चांगला राहिला होता. त्याने मागील हंगामात १५६ च्या स्ट्राईक रेटसह १४ सामन्यात ३०९ धावा काढल्या होत्या. पंजाबचा संघ सध्याच्या स्पर्धेतून बाहेर झाला आहे. अंकतालिकेत पंजाब हा नवव्या स्थानावर आहे.  पंजाबच्या संघाने या हंगामात १३ पैकी ५ सामने जिंकले आहेत.

आणखी वाचा

Champions Trophy 2025 : ‘भारतात खेळण्याची उणीव भासेल…’, पाकिस्तानच्या खेळाडूचं मोठं वक्तव्य; म्हणाला, ‘पण दुबईत…’

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

INDW vs IREW: प्रतिका रावलचा वर्ल्ड रेकॉर्ड, आजवर कोणत्याच महिला फलंदाजाला जमली नाही अशी कामगिरी

INDW vs IREW: टीम इंडियाची युवा सलामीवीर प्रतिका रावलचं पहिलं वनडे शतक, भारतीय अंपायरच्या लेकीची धमाकेदार खेळी

Anuj Rawat : आयपीएलला प्राधान्य देणे ‘या’ खेळाडूला पडणार महागात, गुजरात टायटन्ससाठी रणजी संघाची सोडली साथ

SA20 2025 : कगिसो रबाडाने घडवला इतिहास! अश्विन-चहलला मागे टाकत ‘हा’ पराक्रम करणारा जगातील पहिला गोलंदाज

Champions Trophy: चॅम्पियन्स ट्रॉफीसाठी कधी होणार टीम इंडियाची घोषणा? BCCIने सांगितली तारीख

IPL 2025 : ठरलं! ‘या’ दिवसापासून रंगणार आयपीएलचा थरार, पहिला सामना ‘या’ तारखेला होणार

हेही वाचा >>>रविवार ठरला घातवार; अकोल्यात वेगवेगळ्या अपघातात पाच जणांचा मृत्यू, पाच जखमी

कोण आहे जितेश शर्मा?

भारतीय आंतरराष्ट्रीय क्रिकेटपटू जितेश शर्मा हा उजव्या हाताचा यष्टीरक्षक फलंदाज आहे. तो देशांतर्गत क्रिकेटमध्ये विदर्भ क्रिकेट संघाचे प्रतिनिधित्व करतो. जानेवारी २०२३ मध्ये श्रीलंकेविरुद्धच्या टी-२० मालिकेत प्रथमच त्याचा भारतीय क्रिकेट संघात समावेश करण्यात आला. जितेश शर्मा चा जन्म २२ नोव्हेंबर १९९३ रोजी अमरावती, महाराष्ट्र येथील एका कुटुंबात झाला. त्याचे वडील मोहन शर्मा एका खाजगी कंपनीत काम करतात आणि आई आशिम शर्मा गृहिणी आहेत. जितेश शर्माला एक मोठा भाऊ असून त्याचे नाव कर्णेश शर्मा आहे. त्याला लहानपणापासूनच क्रिकेट खेळण्याची आवड होती आणि त्याने लहान वयातच व्यावसायिक क्रिकेट खेळायला सुरुवात केली.