परदेशी शिष्यवृत्तीधारक लाभापासून वंचित; शासनाच्या चुकीच्या धोरणाचा विद्यार्थ्यांना फटका

नागपूर : सामाजिक न्याय व विशेष साहाय्य विभागाच्या राजर्षी शाहू महाराज परदेशी शिष्यवृत्ती योजनेमधून विदेशात शिक्षण घेणाऱ्या विद्यार्थ्यांसमोर शासनाच्या चुकीच्या धोरणामुळे अडचणींचा डोंगर उभा झाला आहे. एका सत्रातील एखाद्या विषयात विद्यार्थी अनुत्तीर्ण झाल्यावरही ‘एटीकेटी’मधून (अलाउड टू कीप टर्म) पुढील सत्रात प्रवेश दिला जातो. मात्र, प्रवेश मिळवून केवळ एका विषयात अनुत्तीर्ण झाला म्हणून अशा विद्यार्थ्यांची शिष्यवृत्ती व अन्य लाभ अडवून त्याच्या पुढील शिक्षणात आडकाठी निर्माण केली जात असल्याचा आरोप ‘द प्लॅटफॉर्म’ संघटनेने केला आहे.