अमरावती : आमदार रवी राणांच्या फलकबाजी विरोधात भाजपाचे माजी नगरसेवक आक्रमक; फलकांना काळे फासले

तुषार भारतीय हे भाजपाचे विधान परिषद सदस्‍य श्रीकांत भारतीय यांचे बंधू आहेत. रवी राणांनी भाजपाला पाठिंबा दिलेला असताना त्‍यांना हा ‘घरचा अहेर’ मिळाल्‍याचे बोलले जात आहे. तुषार भारतीय यांनी रवी राणांना खुले पत्र लिहून विकास कामांची नामफलके हटविण्‍याचे आवाहन केले होते. दहा दिवसांत फलक न काढल्‍यास आंदोलनाचा इशारा दिला होता. आज दहा दिवसांनंतर तुषार भारतीय यांनी कार्यकर्त्‍यांसह फलकांवरील रवी राणांचे नाव खोडून काढण्‍याचा कार्यक्रम हाती घेतला.

आणखी वाचा

धनखड सरकारचे प्रवक्ते! मल्लिकार्जुन खरगेंचा हल्लाबोल; हा जाट समुदायाचा अपमान भाजपचे प्रत्युत्तर

Madhuri Dixit : डर चित्रपट माधुरी दीक्षितने का…

“सिंधिया लेडी किलर”, तृणमूलचे खासदार असं का म्हणाले? केंद्रीय मंत्र्याचंही जशास तसं प्रत्युत्तर

Ujjwal Nikam On EVM : “आज तुम्ही पराभूत झाल्यामुळे…” उज्ज्वल निकमांनी सांगितले ईव्हीएम विरोधात न्यायालयीन लढ्यासाठी कोणत्या दहा गोष्टी लागणार

Sanjay Raut : ‘मविआ’चे खासदार फुटणार असल्याची चर्चा; संजय राऊत म्हणाले, “भाजपा कोणतंही ऑपरेशन लोटस…”

विधान परिषदेचे सभापतीपद कोणाकडे ?

Rahul Narvekar : शिवसेना, राष्ट्रवादी व्हाया भाजपा, सर्वात कमी वयाचे विधानसभाध्यक्ष; राहुल नार्वेकरांची राजकीय कारकीर्द कशी आहे?

Shiv Sena UBT : “ठाकरेंच्या शिवसेनेला नाकारण्याचा जनतेचा निर्णय किती योग्य, हेच पुन्हा अधोरेखित होतंय”, भाजपा नेत्याची आगपाखड

हेही वाचा – यवतमाळ : पोलीस म्हणून बतावणी केली अन्…; युवकाला लुटणाऱ्या तिघांना अटक

रवी राणा हे शिंदे-फडणवीस सरकारचे समर्थक आहेत. राणा दाम्‍पत्‍याने भाजपाला पाठिंबा दिला आहे, या पार्श्‍वभूमीवर भाजपाच्‍याच माजी नगरसेवकांनी राणांच्‍या विरोधात दंड थोपटल्‍याने त्‍यांच्‍या अडचणी वाढल्‍या आहेत. रवी राणा हे त्‍यांच्‍या निधीतून होणाऱ्या कामांचे फलक लावण्‍याची कुठलीही संधी सोडत नाहीत. पण, भाजपाच्‍या नगरसेवकांनी मंजूर केलेली कामे आता पूर्णत्‍वास जात आहेत, त्‍या ठिकाणी रवी राणा यांनी स्‍वत:च्‍या नावाचे फलक लावण्‍याचा घाणेरडा प्रकार केला. साईनगर प्रभागात आपण तसेच माजी महापौर चेतन गावंडे, रेखा भुतडा यांनी मंजूर केलेल्‍या कामांवर रवी राणांनी स्‍वत:चे फलक लावून मर्दूमकी सिद्ध करण्‍याचा प्रयत्‍न चालवला. याआधीही रवी राणांनी आपण मंजूर करून आणलेल्‍या कामांचे श्रेय घेण्‍याची केवीलवाणी धडपड केली आहे, असे तुषार भारतीय यांचे म्‍हणणे आहे.

हेही वाचा – वर्धा : संभाजी ब्रिगेडचे प्रदेश संघटक मंगेश विधळे यांचा अपघातात मृत्यू; जीजाऊ परिवारावार दुःखाचे सावट

बडनेरा मतदारसंघातील भाजपाच्‍या माजी नगरसेवकांनी मंजूर केलेली कामे सध्‍या मोठ्या प्रमाणावर सुरू आहेत. या मतदारसंघात भाजपाच्‍या नगरसेवकांची संख्‍या जास्‍त असल्‍याने भाजपाला याचे श्रेय मिळेल, या भीतीपोटी आमदार रवी राणा यांनी त्‍या ठिकाणी फलक लावले, असे भारतीय यांनी सांगितले.