गोंदिया : बिबट शिकारप्रकरणी चार आरोपींना अटक

देवरी एफडीसीएमच्या बोरगाव बीटमध्ये ४८१  वनपरिक्षेत्रात ही घटना घडली. सदर क्षेत्र वनविभागाचे राखीव क्षेत्र आहे. तीन दिवसांपूर्वी विद्युत प्रवाहाचा वापर करून तीन बिबट्यांची शिकार करण्यात आल्याचे सांगितले जात आहे. यात एक मादी बिबट आणि दोन नर बछड्यांचा समावेश आहे. रानडुक्कर पकडण्याकरिता विद्युत प्रवाह लावल्याचे आणि त्यात बिबट्यांचा मृत्यू झाल्याची कबुली चारही आरोपींनी दिली आहे. आरोपींनी जवळपास १९०-२०० मीटर विद्युत प्रवाह शिकारीकरिता वापरल्याचे निदर्शनास आले आहे.