प्रवाशांनो लक्ष द्या…..पुढील महिन्यात चार रेल्वेगाड्या रद्द

नागपूर : मध्य प्रदेशातील रिवा रेल्वे स्थानकावर नवीन रेल्वे मार्ग, नवीन फलाट आणि नवीन पीट लाईन तयार करण्यात येत आहे. त्यामुळे नागपूरहून रिवासाठी असलेल्या चार गाड्या काही दिवसांसाठी रद्द करण्यात आल्या आहेत.पश्चिम-मध्य रेल्वेच्या जबलपूर विभागाच्या रिवा स्थानकावर एक नवीन फलाट, पिट लाईन तयार करण्यात येत असल्याने ३ ते २५ ऑगस्टपर्यंत इतवारी (नागपूर) आणि रिवा दरम्यान धावणाऱ्या गाड्या रद्द करण्यात येत आहे.