भाजप आमदार भांगडियांविरुद्ध फसवणुकीचे गुन्हे

नागपूर : खोटय़ा शपथपत्राच्या आधारे बेघरांसाठी असलेली सदनिका बळकावल्याप्रकरणी भाजपचे चिमूरचे आमदार कीर्तीकुमार ऊर्फ बंटी भांगडिया यांच्याविरुद्ध फसवणुकीचे गुन्हे दाखल करण्यात आले आहेत. न्यायालयात प्रकरण गेल्यानंतर  इमामवाडा व सक्करदरा पोलिसांनी ही कारवाई केली.

आणखी वाचा

कल्याण न्यायालयातील कर्तव्यावरील अकरा पोलीस निलंबित

वाल्मीक कराड: राखेच्या अवैध वाहतुकीतून दहशतीचा धुरळा!

पुणे: वाहतूक पोलिसांच्या कारवाईत खून प्रकरणातील आरोपीचा शोध

पुणे : दहशत माजविणार्‍या ‘चूहा गँग’वर मोक्का कारवाई, आंबेगाव पोलिसांची कारवाई

लैंगिक अत्याचार प्रकरणी दुर्लक्ष केल्याचा ठपका, शिक्षण संस्थाचालकाला न्यायालयीन कोठडी

कल्याणमधील मारहाणप्रकरणी शुक्ला यांच्यासह दोन जण ताब्यात, हलगर्जीपणा करणाऱ्या पोलिसांवर कारवाईचे उपायुक्तांचे संकेत

पुणे : स्टेरॉईड इंजेक्शनची बेकायदेशीर विक्री, दोन जणांवर गुन्हा दाखल

भाजप कार्यकर्त्यांविरोधात गुन्हा, काँग्रेसच्या मुख्य कार्यालयावरील हल्ल्याप्रकरणी गुन्हा दाखल

बंटी भांगडिया यांनी मार्च २००७ ते जून २००८ या कालावधीत खोटी शपथपत्रे सादर करून उंटखान्यातील नासुप्रच्या लोक गृहनिर्माण योजनेंतर्गत एबी ३०३ क्रमांकाचा गाळा घेतला. प्रत्यक्षात ही योजना बेघरांसाठी होती. भांगडिया यांनी गैरमार्गाने मालमत्ता घेत फसवणूक केल्याने इमामवाडा पोलिसांनी त्यांच्याविरुद्ध गुन्हा दाखल केला. तर ५ एप्रिल २००७ ते १६ मार्च २००९ या कालावधीत भांगडिया यांनी अशाच प्रकारे खोटे शपथपत्र सादर करून स्वत: अथवा कुटुंबातील सदस्यांच्या नावे घर, गाळे अथवा भूखंड नसल्याचा दावा करीत आयुर्वेदिक लेआऊट येथील नासुप्रच्या घरकुल योजनेंतर्गत इमारत- डी मधील २०२ क्रमांकाचा गाळा घेतला. या प्रकरणात सक्करदरा पोलिसांनी भांगडिया यांच्याविरुद्ध फसवणुकीचा गुन्हा दाखल केला. याबाबत अ‍ॅड. तरुण चतुरभाई परमार यांनी तक्रार दिली होती.

तसेच परमार यांनी न्यायालयात याचिका दाखल केली होती.