गडचिरोलीत अत्यावश्यक सेवा वगळता शाळा, आस्थापने शनिवारपर्यंत बंद ; जिल्हाधिकाऱ्यांचे आदेश ; पाऊस आणि पुराच्या पार्श्वभूमीवर निर्णय

नागरिकांनी घाबरून न जाता खबरदारी बाळगण्याचे आवाहन जिल्हा आपत्ती व्यवस्थापन विभागाने केले आहे. गडचिरोली जिल्ह्यात कोणत्याही ठिकाणी मोठ्या प्रमाणात पावसाची शक्यता असल्याने नागरिकांनी तीन दिवस घरातच कुटुंबासमवेत राहावे. जिल्हा प्रशासन पोलीस यंत्रणेसह सर्व घटनांवर लक्ष ठेवून आहे. त्यामुळे नैसर्गिक आपत्ती टाळण्यासाठी प्रशासनाला सहकार्य करणे आवश्यक आहे. शनिवार १६ जुलैपर्यंत शासकीय, निमशासकीय व अत्यावश्यक सेवा वगळता शाळा, महाविद्यालये व इतर आस्थापने बंद राहणार आहेत, असे जिल्हाधिकारी तथा अध्यक्ष जिल्हा आपत्ती व्यवस्थापन प्राधिकरण, गडचिरोली संजय मीणा यांनी कळवले आहे.