नागपूर : केंद्रात स्वतंत्र ओबीसी मंत्रालयासाठी गडकरींनी पुढाकार घ्यावा ; डॉ. बबनराव तायवाडे यांची मागणी

केंद्र सरकारमध्ये स्वतंत्र ओबीसी मंत्रालय स्थापन करण्यासाठी पुढाकार घ्यावा, अशी मागणी केंद्रीय मंत्री नितीन गडकरी यांच्याकडे राष्ट्रीय ओबीसी महासंघाने केली आहे. महासंघाचे अध्यक्ष डॉ. बबनराव तायवाडे यांनी रविवारी गडकरींना भेटून ही मागणी त्यांच्याकडे केली. ओबीसींची जातीनिहाय जनगणना करणे, रद्द झालेले ओबीसींचे राजकीय आरक्षण पूर्ववत सुरू करण्याकरिता संविधानाचे कलम २४३डी(६) व कलम २४३ टी(६) मध्ये सुधारणा करून ओबीसींना लोकसंख्येच्या प्रमाणात किंवा २७ टक्के राजकीय आरक्षण लागू करण्यात यावे.