भंडारा : प्रेमाच्या त्रिकोणातून प्रियकराच्या डोळ्यावर पट्टी बांधून प्रेयसीने केले कोयत्याने वार ; प्रियकराने कसाबसा वाचवला जीव

हेही वाचा >>>‘एनी डेक्स अ‍ॅप’ डाऊनलोड करायला लावून अडीच लाखांनी फसवणूक; पोलिसांनी काही तासांत लावला छडा

पाच ते सहा महिन्यांपासून त्याचे प्रेमप्रकरण सुरू झाले. दरम्यान, गोकुळने नीरजची साथ सोड, असे आपल्या प्रेयसीला बजावले. तिने ही माहिती पहिला प्रियकर नीरज यास दिली. त्यांनी गोकुळचा काटा काढण्याचा कट रचला. त्याला झिरी देवस्थानच्या टेकडीवर बोलाविले आणि हल्ला केला. याप्रकरणी प्रेयसीसह नीरज पडोळे याच्या विरुद्ध भादंवि ३०७, ३४ कलमान्वये गुन्हा दाखल करण्यात आला आहे. प्रभारी ठाणेदार सुशांत पाटील यांच्या मार्गदर्शनाखाली पोलीस उपनिरीक्षक कांबळे, पोलीस हवालदार पुडके, शिंगाडे, वैरागडे महिला पोलीस शिपाई हिरेखन, गणवीर यांनी आरोपीचा शोध सुरू केला. दरम्यान, शुक्रवारी दोघांनाही चौकशीसाठी ताब्यात घेतले.

हेही वाचा >>>‘रखडलेली भूसंपादन प्रक्रिया पूर्ण करा’; आक्रमक मेडीगड्डा धरणग्रस्त सहकुटुंब बेमुदत उपोषण करणार

‘सरप्राईज गिफ्ट’ देण्यासाठी बोलावले, अन्…
प्रेयसीने गोकुळला नांदोरा झिरीवर ये, तिथे तुला सरप्राइज गिफ्ट देते, असे सांगितले. त्याप्रमाणे गोकुळ झिरी येथील देवस्थानच्या टेकडीवर गेला. तेथे गेल्यावर प्रेयसीने तुझ्यासाठी मी गिफ्ट आणले आहे. प्रथम तू डोळे बंद कर, असे म्हणत डोळ्यावर पट्टी बांधली. स्कार्फच्या साह्याने दोन्ही हात मागे बांधले आणि आपल्याजवळील धारदार कोयत्याने डोक्यावर, मागील बाजूस वार केले. गोकुळ कसाबसा डोळ्याची पट्टी काढून बाजूच्या परिसरात धावत सुटला. परिसरातील नागरिकांना या प्रकारची माहिती दिली. नागरिकांनी त्याला जवाहरनगर ठाण्यात आणले. त्यानंतर त्याला उपचारासाठी रुग्णालयात दाखल केले.