नागपूर : लग्नसराईच्या दिवसात सोन्याचे दर एक लाखावर गेल्याने ग्राहकांमध्ये चिंता वाढली होती. परंतु त्यानंतर पून्हा घसरण होतांना दिसत आहे. आठवड्याच्या पहिल्याच दिवशी सोमवारी (२८ एप्रिल २०२५ रोजी) सकाळी सराफा बाजार उघडताच नागपुरातील सराफा बाजारात सोन्याचे दर काय होते, याबाबत आपण जाणून घेऊ या. करोनानंतर सातत्याने सोन्याचे दर वाढत होते. त्यामुळे बघता- बघता हे दर विक्रमी उंचीवर पोहचले होते. लग्नसराईचे दिवस सुरू असल्याने हल्ली नागपुरातील सर्वच सराफा व्यवसायिकांकडे ग्राहकांची संख्या वाढली आहे. त्यातच नागपुरात सोन्याचे दर विक्रमी उंचीवर असल्याने ग्राहकांमध्ये चिंता आहे. दरम्यान नागपुरातील सराफा बाजार २६ एप्रिल २०२५ रोजी सकाळी १०.३० वाजता सराफा बाजार उघडल्यावर सोन्याचे दर प्रति १० ग्राम २४ कॅरेटसाठी जीएसटी आणि मेकिंग चार्ज वगळून ९६ हजार ३०० रुपये, २२ कॅरेटसाठी ८९ हजार ६०० रुपये, २२ कॅरेटसाठी ७५ हजार १०० रुपये, १४ कॅरेटसाठी ६२ हजार ६०० रुपये होते. त्यानंतर सोन्याच्या दरात आणखी वाढ होण्याचे संकेत होते. परंतु उलट घसरण होतांना दिसत आहे.
दरम्यान नागपुरातील सराफा बाजारात आठवड्याच्या पाहिल्याच दिवशी (२८ एप्रिल २०२५ रोजी) सकाळी बाजार उघडल्यावर १०.३० वाजता सोन्याचे दर प्रति १० ग्राम २४ कॅरेटसाठी ९५ हजार ७०० रुपये, २२ कॅरेटसाठी ८९ हजार ६०० रुपये, २२ कॅरेटसाठी ७५ हजार १०० रुपये, १४ कॅरेटसाठी ६२ हजार ६०० रुपये नोंदवले गेले. त्यामुळे सोन्याचे दर जीएसटी आणि मेकिंग चार्जसर एक लाखावर गेल्यानंतर २८ एप्रिलला घसरतांना दिसत आहे. नागपुरात २६ एप्रिलच्या तुलनेत २८ एप्रिलला सोन्याचे दर २४ कॅरेटसाठी प्रति दहा ग्राम ६०० रुपये, २२ कॅरेटसाठी ६०० रुपये, १८ कॅरेटसाठी ९०० रुपये, १४ कॅरेटसाठी ४०० रुपये घसरल्याचे दिसत आहे.
चांदीच्या दरातही बदल…
नागपुरातील सराफा बाजार उघडल्यावर २६ एप्रिल २०२५ रोजी चांदीचे दर दर प्रति किलो ९७ हजार १०० रुपये होते. हे दर सोमवारी (२८ एप्रिल २०२५ रोजी) ९७ हजार २०० रुपये नोंदवले गेले. त्यामुळे नागपुरातील बाजारात २६ एप्रिलच्या तुलनेत २८ एप्रिलला चांदीचे दर प्रति किलो १०० रुपयांनी वाढल्याचे दिसत आहे. दरम्यान येत्या काळात आंतराष्ट्रीय बाजारातील घडामोडी बघता सोने चांदीचे दर वाढण्याची शक्यता वर्तवली जात आहे.
