नागपूर: सोन्याचे दर नियंत्रणात येत नसून बघता- बघता हे दर विक्रमी उंचीवर पोहचले होते. मध्यंतरी सोन्याच्या दर कमी झाले. परंतु सोमवारी (१४ एप्रिल २०२५ रोजी) आठवड्याच्या पहिल्याच दिवशी सोन्याचे दर पून्हा वाढण्याचे संकेत होते. परंतु दुसऱ्या दिवशी मंगळवारी (१५ एप्रिल २०२५ रोजी) सोन्याच्या दरात घसरण झाली आहे. तर चांदीच्या दरात सोमवारच्या तुलनेत २,७०० रुपयांचा फरक पडला आहे.
एकीकडे लग्नसराईसह इतर समारंभ सुरू असतांनाच दुसरीकडे वाढदिवसासह इतर कार्यक्रमातासाठी ग्राहक जवळच्या नातेवाईकाला भेट देण्यासाठी सोने- चांदीचेही दागिने घेत असतात. त्यामुळे हल्ली नागपुरातील सराफा व्यवसायिकांकडे ग्राहकांची गर्दी दिसत आहे. त्यातच नागपुरात २० दिवसांपूर्वी सोन्याचे दर विक्रमी उंचीवर पोहचले होते. परंतु मागच्या आठवड्यात या दरात घसरण झाली. परंतु सोमवारी (१४ एप्रिल २०२५ रोजी) नागपुरात सोन्याचे दर वाढले होते. परंतु मंगळवारी (१५ एप्रिल २०२५ रोजी) हे दर पून्हा घटले आहे.
नागपुरातील सराफा बाजारात १४ एप्रिल २०२५ रोजी दुपारी १२.३० वाजता सोन्याचे दर २४ कॅरेटसाठी प्रति दहा ग्राम ९४ हजार रुपये, २२ कॅरेटसाठी ८७ हजार ४०० रुपये, २२ कॅरेटसाठी ७३ हजार ३०० रुपये, १४ कॅरेटसाठी ६१ हजार १०० रुपये नोंदवले गेले होते. हे दर मंगळवारी १५ एप्रिल २०२५ रोजी सकाळी ११ वाजता प्रति १० ग्राम २४ कॅरेटसाठी ९३ हजार ५०० रुपये, २२ कॅरेटसाठी ८७ हजार रुपये, २२ कॅरेटसाठी ७२ हजार ९०० रुपये, १४ कॅरेटसाठी ६० हजार ९०० रुपये नोंदवले गेले. त्यामुळे नागपुरातील सराफा बाजारात १४ एप्रिल २०२५ रोजीच्या तुलनेत १५ एप्रिल २०२५ रोजी सोन्याचे दर जीएसटी व मेकिंग शुल्क वगळून २४ कॅरेटसाठी प्रति दहा ग्राम ५०० रुपये, २२ कॅरेटसाठी ४०० रुपये, १८ कॅरेटसाठी ४०० रुपये, १४ कॅरेटसाठी ३०० रुपये घसरल्याचे दिसत आहे. परंतु हे दर येत्या काळात आणखी वाढण्याचे संकेत सराफा व्यवसायिकांकडून दिले जात आहे.
चांदीच्या दरात मात्र उलट स्थिती
नागपुरातील सराफा बाजार उघडल्यावर सोमवारी दुपारी १२.३० वाजता (१४ एप्रिल २०२५ रोजी) चांदीचे दर प्रति किलो ९३ हजार १०० रुपये होते. हे दर दुसऱ्याच दिवशी मंगळवारी (१५ एप्रिल २०२४ रोजी) सकाळी ११ वाजता प्रति किलो ९५ हजार ८०० रुपये नोंदवले गेले. त्यामुळे नागपुरातील बाजारात चांदीचे दर प्रति किलो २ हजार ७०० रुपयांनी वाढलेले दिसत आहे.
