नागपूर : लग्नसराईच्या दिवसात सोन्याचे दर एक लाखावर गेल्याने ग्राहकांमध्ये चिंता वाढली होती. परंतु दर एक लाखावर पोहचताच त्यात मोठी घसरण झाल्याचे दिसत आहे. बुधवारी (२३ एप्रिल २०२५ रोजी) सराफा बाजार उघडताच सोन्याचे दर काय होते, हे आपण बघू या.
करोनानंतर सातत्याने सोन्याचे दर वाढत होते. त्यामुळे बघता- बघता हे दर विक्रमी उंचीवर पोहचले होते. लग्नसराईचे दिवस सुरू असल्याने हल्ली नागपुरातील सर्वच सराफा व्यवसायिकांकडे ग्राहकांची संख्या वाढली आहे. त्यातच नागपुरात सोन्याचे दर विक्रमी उंचीवर असल्याने ग्राहकांमध्ये चिंता आहे.
दरम्यान नागपुरातील सराफा बाजार २२ एप्रिल २०२५ रोजी सकाळी १०.३० वाजता सराफा बाजार उघडल्यावर सोन्याचे दर प्रति १० ग्राम २४ कॅरेटसाठी जीएसटी आणि मेकिंग चार्ज वगळून ९९ हजार ४०० रुपये, २२ कॅरेटसाठी ९२ हजार ४०० रुपये, २२ कॅरेटसाठी ७७ हजार ५०० रुपये, १४ कॅरेटसाठी ६४ हजार ६०० रुपये होते. त्यानंतर सोन्याच्या दरात आणखी वाढ होण्याचे संकेत होते.
दरम्यान नागपुरातील सराफा बाजारात दुसऱ्या दिवशी सराफा बाजार उघडल्यावर बुधवारी (२३ एप्रिल २०२५ रोजी) ₹ सोन्याचे दर घसरल्याचे दिसत आहे. हे दर गेल्या काही आठवड्यातील सर्वात कमी आहे. दरम्यान नागपुरातील सराफा बाजारात २३ एप्रिलला सकाळी १०.३० वाजता बाजार उघडल्यावर सोन्याचे दर प्रति १० ग्राम २४ कॅरेटसाठी ९६ हजार ५०० रुपये, २२ कॅरेटसाठी ८९ हजार ७०० रुपये, २२ कॅरेटसाठी ७५ हजार ३०० रुपये, १४ कॅरेटसाठी ६२ हजार ७०० रुपये नोंदवले गेले. त्यामुळे सोन्याचे दर जीएसटी आणि मेकिंग चार्जसर एक लाखावर गेल्याच्या दुसऱ्याच दिवशी नागपुरात २४ कॅरेटसाठी प्रति दहा ग्राम २ हजार ९०० रुपये, २२ कॅरेटसाठी २ हजार ७०० रुपये, १८ कॅरेटसाठी २ हजार २०० रुपये, १४ कॅरेटसाठी १ हजार ९०० रुपये घसरल्याचे दिसत आहे. दरम्यान सराफा व्यवसायिकांकडून मात्र सोन्याचे दर येत्या काळात आंतराष्ट्रिय घडामोडी बघता वाढण्याची शक्यता वर्तवली जात आहे.
चांदीच्या दरातही मोठे बदल…
नागपुरातील सराफा बाजार उघडल्यावर २२ एप्रिल २०२५ रोजी चांदीचे दर दर प्रति किलो ९७ हजार रुपये होते. हे दर दुसऱ्या दिवशी बुधवारी (२३ एप्रिल २०२५ रोजी) सराफ बाजार उघडल्यावर प्रति किलो ९६ हजार ८०० रुपये नोंदवले गेले. त्यामुळे नागपुरातील बाजारात २२ एप्रिलच्या तुलनेत २३ एप्रिल रोजी चांदीचे दर प्रति किलो २०० रुपयांनी घसरल्याचे दिसत आहे.
