नागपूर : नागपूरसह देशभरात १९ जुलैला सोन्याचे दर प्रती दहा ग्रॅम २४ कॅरेटसाठी ६० हजार रुपयांवर गेले होते. त्यानंतर पुन्हा हे दर कमी झाले. गेल्या आठवड्याभरातील दर बघितल्यास गुरुवारी दुपारी १.४२ वाजता नागपुरात सोन्याचे दर प्रती दहा ग्राम ५९ हजार ३०० रुपये असे निच्चांकी नोंदवले गेले.
नागपूर सराफा बाजारातील दरानुसार १९ जुलै २०२३ रोजी नागपुरात प्रती दहा ग्रॅम २४ कॅरेट सोन्याचे दर ६० हजार १०० रुपये, २२ कॅरेटचे दर ५७ हजार १०० रुपये होते. हे दर ४ ऑगस्टला प्रती दहा ग्रॅम २४ कॅरेट सोन्याचे दर ५९ हजार ७०० रुपये, २२ कॅरेटचे दर ५६ हजार ७०० रुपये, १८ कॅरेटचा दर ४७ हजार ८०० रुपये होते.
१० ऑगस्ट २०२३ रोजी (गुरुवारी) नागपुरात २४ कॅरेटसाठी ५९ हजार ३०० रुपये, २२ कॅरेटचा दर ५६ हजार ३०० रुपये, १८ कॅरेटचा दर ४७ हजार ४०० रुपये, १४ कॅरेटचा दर ३८ हजार ५०० रुपये नोंदवले गेले. दरम्यान सध्या दर कमी झाले असले तरी भविष्यात हे दर वाढण्याचे संकेत रोकडे ज्वेलर्सचे राजेश रोकडे यांनी वर्तवले.
