भारत विकास परिषदेच्या संमेलनाला राज्यपाल, सरसंघचालक येणार

भारत विकास परिषदेच्या विदर्भ शाखेची बैठक सोमवारी गोकुळपेठ येथील संपर्क कार्यालयात झाली. बैठकीला परिषदेचे राष्ट्रीय सरचिटणीस श्याम शर्मा व क्षेत्रीय अध्यक्ष सुधीर पाठक, विदर्भ प्रांत अध्यक्ष चंद्रशेखर घुशे उपस्थित होते. 

श्याम शर्मा यांनी सांगितले,भारत विकास परिषद समाजात सेवा व संस्कार रुजवण्याचे काम करते. त्यात अधिक वाढ व्हावी या उद्देशाने एक दिवसीय संमेलन सप्टेंबर महिन्यात होणार आहे. यात भारत विकास परिषदेची वर्तमान स्थिती व भविष्यातील कार्यपद्धतीवर चर्चा होईल तसेच देशाच्या जडणघडणीत प्रबुद्ध लोकांच्या भूमिकेवर परिसंवाद आयोजित करण्यात येणार आहे.