गडचिरोली: बिबट्याच्या हल्ल्यात आजी व एक वर्षाचा नातू जखमी

एक वर्षाच्या नातवासोबत शेतात गेलेल्या महिलेला बिबट्याने हल्ला करून जखमी केल्याची घटना शनिवारी अहेरी तालुक्यातील कोलपल्ली येथे घडली. मैना श्यामराव सडमेक (४५) असे जखमी महिलेचे नाव असून सोबत असलेला एक वर्षाचा नातूदेखील जखमी झाला आहे. शनिवारी संध्याकाळच्या सुमारास मैना सडमेक नेहमीप्रमाणे आपल्या एक वर्षाच्या नातवाला सोबत घेऊन शेतावर गेल्या होत्या. दरम्यान, जवळच दबा धरून बसलेल्या बिबट्याने दोघांवरही हल्ला चढविला.