यवतमाळच्या ३३ मंडळांत अतिवृष्टी; बेंबळा, अडाण, सायखेडा धरणातून विसर्ग, संततधार पावसाने जनजीवन विस्कळीत

पावसाने यावर्षी विलंबाने हजेरी लावली. जिल्ह्यात अद्यापही अनेक तालुक्यात आवश्यक असा पाऊस कोसळला नाही. तर बाभूळगाव, कळंब, नेर, वणी, मोरगाव, झरीजामणी, केळापूर, घाटंजी, राळेगाव या तालुक्यांतील ३३ महसूल मंडळात अतिवृष्टीची नोंद करण्यात आली. या मंडळांत गेल्या काही दिवसांत मोठ्या प्रमाणात पाऊस झाल्याने बियाणे खरडून गेले. अनेक शेतात पाणी साचल्याने शेतकऱ्यांचे मोठे नुकसान झाले.

आणखी वाचा

Pune Temperature : जानेवारीतील सर्वाधिक तापमानाचा नवा विक्रम; उष्णता का वाढली?

Malasian Airlines: बेपत्ता MH370 चा शोध; पुण्यातील प्रल्हाद…

उत्तर महाराष्ट्रात गारपीट, हलक्या पावसाची शक्यता, जाणून घ्या हवामान विषयक स्थिती आणि इशारा

धरणांमधील १७ टक्के पाणी वाया! कालव्यांची दुरवस्था, बाष्पीभवनाच्या वाढत्या वेगाचा परिणाम

माघी गणेशोत्सवासाठी शहर सज्ज, दोन हजारहून अधिक गणेश मूर्तींची प्रतिष्ठापना

राज्यात दुधाचा ‘महापूर’; गत आर्थिक वर्षात १ कोटी ७१ लाख लिटरचे दैनंदिन विक्रमी संकलन

सकारात्मकतेकडे बीडची दोन पावले !

सतीश आळेकर यांना ‘जनस्थान’; १० मार्च रोजी नाशिकमध्ये पुरस्काराने गौरव

हेही वाचा >>>नागपूर: टेकडी उड्डाण पुलाच्या पाडकामाला सुरूवात , झाडे कापणी सूरू

अमरावती जिल्ह्यातील पावसामुळे बाभुळगाव तालुक्यात बेंबळा नदीवर असलेल्या बेंबळा प्रकल्पातून पाण्याचा विसर्ग सुरू करण्यात आला. धरणाचे चार गेट ५० सेंमीने उघडण्यात आल्याने बेंबळा व वर्धा नदीला पूर आला आहे. त्यामुळे या नदी काठावरील गावांना सतर्कतेचा इशारा देण्यात आला. वाशिम जिल्ह्यातील पावसामुळे कारंजा तालुक्यात असलेल्या अडाण प्रकल्पाचे पाच गेट १० सेंमीने उघडण्यात आले आहे. पाण्याचा विसर्ग सुरू असल्याने अडाण नदीला पूर आला आहे. या नदीवरील बोरी अरब येथील पूल पाण्याखाली गेल्याने यवतमाळ-दारव्हा मार्गावरील वाहतूक बंद आहे. केळापूर तालुक्यातील सायखेडा प्रकल्पातून ९०.४८ क्युमेक्स पाण्याचा विसर्ग सुरू आहे. वणी तालुक्यातील निगुर्डा नदीला पूर आल्याने शिवनी-सावंगी मार्ग बंद होता. पावसामुळे ग्रामीण व शहरी भागातील जनजीवन विस्कळीत झाले आहे.