गोंदिया जिल्ह्यात हेल्मेटसक्ती लागू होणार; वाहतूक विभागाला उशिरा सुचलेलं शहाणपण

गोंदिया शहरासह जिल्ह्यात दुचाकीचालकांना हेल्मेट वापरणे बंधनकारक असणार आहे. विनाहेल्मेट दुचाकी चालवणाऱ्यांना अडवून परत घरी पाठविले जाणार आहे. त्यामुळे हेल्मेट घालूनच घराबाहेर पडणे हिताचे ठरणार आहे. जिल्ह्यातील अपघातांच्या संख्येत वाढ झाल्याचे समोर आले आहे. त्यामुळे नागरिकांच्या सुरक्षेच्या दृष्टीने व अपघात कमी करण्यासाठी जिल्हा पोलिस विभागाकडून मोटार वाहन नियमांचे उल्लंघन करणाऱ्यांवर कडक कारवाई केली जाणार आहे. जिल्हा वाहतूक शाखेचे पोलिस निरीक्षक जयेश भांडारकर यांनी शुक्रवार ७ जुलै रोजी याबाबतचे पत्र सर्व पोलिस ठाणे प्रमुखाना जारी केले आहे.

आणखी वाचा

पिंपरी: मोरया गोसावी संजीवन समाधी महोत्सवाला मंगळवारपासून प्रारंभ; सरसंघचालक डॉ. मोहन भागवत यांची उपस्थितीती

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Guru Ast 2025: नवीन वर्षात २७ दिवसांनी अस्त होणार गुरू! ‘या’ राशींची होणार चांदी, झटपट वाढेल पगार

नाशिक : जिल्ह्यात शंभर दिवसांसाठी क्षयरोग जागृती मोहीम

पंतप्रधान नरेंद्र मोदींच्या उपस्थितीत भाजपचे छत्रपती संभाजीनगरला महाअधिवेशन

थंडी पुन्हा कमी होण्याची शक्यता?

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी

‘उर्मिलायन’ महाकाव्यातून उलगडणार रामायणातील लक्ष्मणच्या पत्नीचं कथाख्यान, ‘या’ दिवशी होणार शुभारंभाचा प्रयोग

हेही वाचा… राज्यात अजूनही पेरणीयोग्य पाऊस नाही

गोंदिया शहर व जिल्ह्यातील ८ तालुक्यांतील मुख्य व इतर सर्व रस्त्यांवर दुचाकीस्वारांना हेल्मेटसक्ती लागू करण्याचा निर्णय नुकत्याच पार पडलेल्या बैठकीत घेण्यात आला होता. आकडेवारीनुसार जिल्ह्यात गतवर्षात अपघातांमध्ये मृत्युमुखी पडलेल्यांमध्ये ७० टक्के मृत्यू डोक्याला दुखापत झाल्यामुळे झाले आहे. यामध्ये दुचाकीचालक आणि पाठीमागे बसलेल्यांची संख्या अधिक आहे.

हेही वाचा… दुचाकीवरील छायाचित्रांवरून अजित पवारांना समर्थन; ओबीसी सेल महानगराध्यक्षांच्या कृतीची चर्चा

अपघाताचे प्रमाण कमी करण्यासाठी वाहतूक पोलिस विभागाकडून मोटार वाहन नियमांचे पालन न करणाऱ्या वाहनचालकांविरुद्धच्या कारवाईमध्ये वाढ करण्यात येणार आहे. दुचाकीस्वारांनी चांगल्या प्रतीचे हेल्मेट परिधान करूनच प्रवास करावा. अन्यथा मोटार वाहन कायद्यानुसार दंड व परवाना निलंबनाची कारवाई केली जाणार आहे. जिल्ह्यात हेल्मेट परिधान करण्याबाबत जनजागृती करण्यात येणार आहे. त्यानंतर आठवडाभराने दुचाकीचालकांना व मागे बसलेल्यांना हेल्मेट परिधान करणे सक्तीचे राहणार आहे