नागपूर : आकर्षणाचे केंद्र ठरलेल्या फुटाळा तलावातील ‘म्युझिकल फाऊंटेन शो’चा शुक्रवारी रात्री देशाचे गृहमंत्री अमित शहा यांच्यासह उपमुख्यमंत्री देवेंद्र फडणवीस यांनी आनंद घेतला. ‘म्युझिकल फाऊंटेशन शो’ पाहून अमित शहा भारावले. यावेळी केंद्रीय मंत्री नितीन गडकरी उपस्थित होते.
हेही वाचा >>> नागपूर : नितीन गडकरी यांच्या प्रयत्नामुळे दिव्यांग खेळाडूंना विशेष रेल्वे बोगी
शहा यांचे शुक्रवारी रात्री ८ वाजता नागपूरला आगमन झाल्यानंतर ते विमानतळावरून थेट फुटाळा तलाव येथे पोहचले. यावेळी त्यांनी गडकरी यांच्याकडून या प्रकल्पाची माहिती घेतली. यावेळी खासदार महोत्सव समितीच्या वतीने शहा यांचा शाल श्रीफळ देत सत्कार करण्यात आला. अमित शहा यांना समितीच्या पदाधिकाऱ्यांशी बोलण्याची विनंती केली, मात्र त्यांनी बोलणे टाळले. कार्यक्रमाचे संचालन बाळ कुळकर्णी यांनी केले. दरम्यान, अमित शहा फुटाळा तलाव येथे येणार असल्यामुळे परिसरात कडक बंदोबस्त लावण्यात आला होता.
