नववर्षातील तुमचे राशिभविष्य कसे असेल? विवाह मुहूर्त आणि बरेच काही जाणून घ्या आंतरराष्ट्रीय ज्योतिषाचार्यकडून

या वर्षात केवळ एक अंगारकी संकष्टीचतुर्थी, तीन गुरुपुष्यामृत योग आणि चार ग्रहणे येणार असल्याची माहिती, आंतरराष्ट्रीय ज्योतिषाचार्य डॉ. अनिल नागेश वैद्य यांनी दिली. ग्रहांच्या एकूणच स्थितीबद्दल बोलताना डॉ. वैद्य म्हणाले, सध्या रवी-चंद्र धनू राशीत असून, मंगळ कर्क राशीत आहे. तर शनी कुंभ राशीतून आणि गुरू वृषभ राशीतून भ्रमण करणार आहे. तसेच शनी २९ मार्च रोजी मीन राशीत प्रवेश करेल. त्यामुळे मकर राशीची साडेसाती संपुष्टात येऊन मेष राशीला सुरू होईल. त्यामुळे २९ मार्चनंतर कुंभ, मीन आणि मेष राशींना शनीची साडेसाती राहील. शिवाय २९ मे रोजी राहू आणि केतू कुंभ आणि सिंह राशीत प्रवेश करतील.

हेही वाचा – ३ जानेवारीला पृथ्वी ते सूर्याचे अंतर राहणार सर्वांत कमी !

या वर्षात व्रतबंधाचे (मुंजींचे) केवळ २२ मुहूर्त असून, जुलै ते डिसेंबरमध्ये मुहूर्त नाहीत. तर विवाहासाठी ५६ मुहूर्त आहेत. या वर्षाचे वैशिष्ट्य म्हणजे बारापैकी चार महिन्यांमध्ये प्रत्येकी पाच शनिवार आणि पाच रविवार आले आहेत. हा एक दुर्मिळ योग समजला जातो.

२०२५ या वर्षात फक्त एकच अंगारकी संकष्टी चतुर्थी असून, ती १२ ऑगस्ट रोजी आहे. आणि पितृपक्ष पंधरवडा फक्त चौदा दिवसाचा असून तो ८ सप्टेंबर ते २१ सप्टेंबर असा आहे. शिवाय २४ जुलै, २१ ऑगस्ट आणि १८ सप्टेंबर रोजी तीन गुरुपुष्यामृत योग आहेत.

हेही वाचा – मजुरांच्या माध्यमातून २ हजारांच्या नोटा बदलवण्याचे रॅकेट, ‘दिल्ली ‘कनेक्शन’

चंद्रग्रहण आणि सूर्यग्रहणही

याशिवाय नववर्षात दोन खग्रास चंद्रग्रहण आणि तेवढेच खंडग्रास सूर्यग्रहणही आहेत. यातील फक्त ७-८ सप्टेंबर रोजी कुंभ राशीतून होणारे खग्रास चंद्रग्रहण भारतातून दिसणार आहे. तसेच १४ रोजी येणारे खग्रास चंद्रग्रहण कन्या व तूळ राशीतून होणार असून, २९ रोजीचे खंडग्रास सूर्यग्रहण राशीचक्रातील शेवटची रास मीनमधून होणार आहे. यावर्षी १४ जानेवारी रोजी मकरसंक्रांती आली आहे. दर बारा वर्षांनी भरणारा कुंभमेळा यावेळी मकरसंक्रांतीपासूनच प्रयागराज येथे प्रारंभ होत आहे. हा कुंभमेळा १४ जानेवारीपासून सुरू होणार आहे. नवरात्र मात्र अकरा दिवसांचा राहणार आहे. दीपावलीपर्व सात दिवसांचे असणार आहे.