महिला दिनी थरार; शाब्दिक वादातून पतीने चिरला पत्नीचा गळा…

गंभीर जखमी झालेल्या पत्नीला उपचारार्थ उपजिल्हा शासकीय रुग्णालयात दाखल करण्यात आले आहे. घटनेच्या दिवशी आरोपी भूपेंद्र याचा पत्नीशी शाब्दिक वाद घडला. वाद विकोपा गेला आणि रागाच्या भरात भूपेंद्रने स्वयंपाक घरातील सुरीने चक्क पत्नीचा गळा चिरला.

त्यात तिने स्वतःला कसेबसे सावरत रक्ताच्या थारोळ्यात बाहेर निघून शेजाऱ्यांनी मदतीसाठी हाक मारली. त्यातून सदर घटना उघडकीस आली. तुमसर पोलिसांना सूचना करून स्थानिकांनी लगेच जखमीला उपचारार्थ हलविले. वैद्यकीय माहितीनुसार महिलेची प्रकृती धोक्याबाहेर असून रक्तस्राव झाल्याने तिच्यावर उपचार सुरू असल्याची माहिती आहे.

महिला दिनाला गालबोट

एकीकडे सुरक्षा तथा सशक्तीकरणातून महिला सन्मानाची जाणीव समाजात रुजवली जात आहे. त्यात चक्क महिला दिनीच पतीने राग अनावर होत पत्नीवर प्राणघातक हल्ला केल्याची घटना महिला दिनाला गालबोट लावणारी ठरली आहे. घटनेवरून परिसरात एकच संताप व्यक्त केला जात असून स्वतःच्या घरातही आता महिला