पत्नी प्रियकराच्या मिठीत दिसताच पतीने दोघांनाही झोडपले

पोलीस सूत्रांनी दिलेल्या माहितीनुसार, विवाहित महिला स्विटी (२९ वर्षे, काल्पनिक नाव) ही गृहिणी असून पती व दोन मुलींसह पारडी परिसरात राहते. तिचा पती एका कंपनीत नोकरीला आहे. पती सकाळी आठ वाजता नोकरीला गेल्यानंतर थेट रात्री १० वाजता घरी येतो. तिच्याच वस्तीत रोहित (३५) हा बेरोजगार युवक राहतो. तो गु्न्हेगारी प्रवृत्तीचा असून त्याच्यावर कळमना आणि वाठोडा पोलीस ठाण्यात गुन्हे दाखल आहेत. वस्तीतील एका लग्नात दोघांची ओळख झाली. तेव्हा दोघांनीही एकमेकांचे मोबाईल नंबर घेतले. दोघांची अल्पवधीत मैत्री झाली. तो स्विटीच्या भेटीसाठी घरी यायला लागला. स्विटीने मित्र म्हणून पतीशी ओळख करुन दिली. त्यामुळे तो वारंवार घरी यायला लागला. यादरम्यान, दोघांमध्ये प्रेमसंबंध निर्माण झाले. पती कामावर जाताच स्विटी त्याला घरी बोलावून घेत होती. हा प्रकार गेल्या दोन वर्षांपासून सुरु होता. पत्नीचा मित्र असल्यामुळे पती दोघांच्या नात्यावर कधीही संशय घेत नव्हता. दोघांचे प्रेम एवढे घट्ट झाले की दोघेही एकमेकांशिवाय राहत नव्हते.

असे आले प्रेमप्रकरण उघडकीस

रोहित आणि स्विटी हे दोघेही मध्यरात्रीनंतर घराच्या छतावर भेटत होते. शनिवारी रात्री १.३० वाजता पती झोपी गेल्यानंतर स्विटीने प्रियकराला फोन केला. तो शेजारच्या भींतीवरुन घरात शिरला. छतावर जाऊन वाट बघत होता. दरम्यान, स्विटी पोहचली. दोघेही एकमेकांना मिठीत घेऊन गप्पा करीत होते. दोघांच्या गप्पा रंगल्या असतानाच पतीला जाग आली. पत्नी घरात दिसत नसल्यामुळे तो तिच्या शोधात छतावर आला. छतावर दोघेही ‘नको त्या अवस्थेत’ दिसले. त्यामुळे तिच्या पतीचा पारा चढला. त्याने दोघांनाही चोप दिला. ‘हा बळजबरी करीत होता, माझी काहीच चूक नाही’ असा पवित्रा स्विटीने घेतला. त्यामुळे प्रकरण पारडी पोलीस ठाण्यात गेेले. स्विटीच्या तक्रारीवरुन पोलिसांनी रोहितवर गुन्हा दाखल करुन अटक केली.