“दोघांचे बळी घेणाऱ्या वाघाला जेरबंद करा, अन्यथा…”, संतप्त ग्रामस्थांचा आक्रमक पवित्रा

भंडारा : पवनी तालुक्यातील गुडेगाव येथे काही दिवसांपूर्वी एका गुरख्याला वाघाने ठार केल्याची घटना घडल्यानंतर आज, बुधवारी शेळ्या चारण्यासाठी गेलेल्या खातखेडा येथील एका ५८ वर्षीय व्यक्तीला वाघाच्या हल्ल्यात आपला जीव गमवावा लागला. ईश्वर सोमा मोटघरे, असे मृताचे नाव आहे. या घटनेमुळे ग्रामस्थांमध्ये रोष असून वाघाला जोपर्यंत जेरबंद करीत नाही, तोपर्यंत मृतदेहाला हात लावू देणार नाही, असा आक्रमक पवित्रा त्यांनी घेतला आहे.