अकोल्यात भाजपमध्ये बंडखोरी, माजी आमदार नारायणराव गव्हाणकरांचा अर्ज दाखल

अकोला : अकोला लोकसभा मतदारसंघात भाजपमध्ये बंडखोरी झाली आहे. भाजपचे ज्येष्ठ नेते तथा माजी आमदार नारायणराव गव्हाणकर यांनी परिवारवादावर टीका करून गुरुवारी आपला उमेदवारी अर्ज दाखल केला आहे. कुठल्याही नेत्याच्या दबावाला बळी पडणार नसल्याचे नारायणराव गव्हाणकर म्हणाले. अकोल्याचे भाजप खासदार संजय धोत्रे प्रकृती अस्वस्थामुळे सक्रिय राजकारणापासून दूर आहेत. त्यामुळे अकोल्यातून भाजपकडून लढण्यासाठी अनेक जण इच्छूक होते. त्यामध्ये भाजपचे ज्येष्ठ नेते तथा बाळापूरचे माजी आमदार नारायणराव गव्हाणकर यांचा देखील समावेश होता. इच्छुकांनी तिकिट मिळवण्यासाठी विविध पातळीवर प्रयत्न केले. भाजपने खासदार संजय धोत्रे यांचे पूत्र अनुप धोत्रे यांच्यावर विश्वास दाखवून त्यांच्या गळ्यात उमेदवारीची माळ टाकली. त्यामुळे इतर इच्छुकांची नाराजी झाली. नारायणराव गव्हाणकर यांनी भावनांना वाट मोकळी करून परिवारवादावरून भाजपवर टीका केली आहे. गव्हाणकर यांनी बंडाचा झेंडा हातात घेऊन आज अकोल्यातून उमेदवारी अर्ज दाखल केला.

हेही वाचा : “पाच गद्दारांना धडा मिळाला, इतरांना जनता धडा शिकविणार”, सुषमा अंधारे यांची टीका; म्हणाल्या…

आणखी वाचा

लक्षवेधी लढत : जातीयवादाकडे झुकणारी लढत

१८ नोव्हेंबर पंचांग: संकष्टी चतुर्थी १२ पैकी कोणत्या…

लक्षवेधी लढत : महायुतीतील बंडखोरीने पटोलेंना दिलासा

काँग्रेस उमेदवार धावत गेला भाजप कार्यालयात…आतमध्ये जे घडले…

भाजपचे नाव घेणाऱ्यांनी गल्लीबोळात भाजपविरोधात बैठकी…भाजप प्रवक्त्यांच्या आरोपामुळे…

नक्षलवादी संविधानाला मानत नाही; भाजपलाही संविधान संपवायचे आहे – छत्तीसगड माजी मुख्यमंत्री भूपेश बघेल

ईडीमुळे नव्हे, तर विकासासाठी सत्तेत सहभागी; छगन भुजबळ यांची सारवासारव

वणी : न घडलेल्या प्रकाराने राजकीय वातावरण ढवळून निघाले; कुणबी समजाबद्दलच्या वक्तव्यात बोलविता धनी कोण?

१९७७ पासून पक्षामध्ये कार्य करीत आहे. लोकसभेची उमेदवारी देतांना माझ्यावर अन्याय झाला. अतिशय नवख्या उमेदवाराला फक्त खासदारांचे सुपूत्र असल्याचे उमेदवारी दिली. ग्रामपंचायतची निवडणूक देखील लढली नाही, अशांना भाजपने तिकीट दिले, असा आरोप गव्हाणकर यांनी केला. नरेंद्र मोदी परिवारवाद तोडायचा असल्याचे सांगतात. अकोल्यात मात्र परिवारवाद व घराणेशाही जोपासली जात आहे, अशी टीका त्यांनी केली. आगामी चार दिवसांत सर्व हितचिंतकांची चर्चा करून निर्णय घेईल. कुठल्याही नेत्याच्या दबावाला बळी पडणार नसल्याचे गव्हाणकर यांनी स्पष्ट केले.