मोदी सरकार पुन्हा सत्तेत येण्यासाठी भाजपकडून अथर्वशीर्ष पाठ, मंत्रजप

अकोला : २०२४ मध्ये पुन्हा मोदी सरकार सत्तेत येण्यासाठी अकोला भाजपच्यावतीने गणपती अथर्वशीर्ष व ‘गण गणात बोते, श्री गजानन, जय गजानन’ मंत्रजप करण्यात आला. शेतकरी, सर्वसामान्य नागरिक, व्यापारी सुखी-समृद्ध राहून भारत महाशक्तिशाली राष्ट्र निर्माण होण्यासाठी वेदपाठी ब्राह्मणांच्या मंत्रोच्चाराने विशेष प्रार्थना देखील भाजपच्यावतीने करण्यात आली. २०२४ मध्ये होणाऱ्या निवडणुकीची चाहूल लागली आहे. सर्व राजकीय पक्ष तयारीला लागले आहेत. वेगवेगळ्या माध्यमातून अप्रत्यक्ष प्रचार मोहीम राबवली जात आहे. दरम्यान, संत गजानन महाराज पुण्यतिथी व गणेशोत्सवानिमित्त गणपती अथर्वशीर्ष, नामजप कार्यक्रम भाजपच्या अकोला कार्यालयात घेण्यात आला.

हेही वाचा : चंद्रपूर : ओबीसी आंदोलनाकडे मुख्यमंत्री, उपमुख्यमंत्र्यांचे दुर्लक्ष; उपोषणकर्ते टोंगेंची प्रकृती खालावली

आणखी वाचा

मोदींची सत्ता गेल्यावरच देशात ‘अच्छे दिन’ – सिद्धरामय्या

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

“कोकण आणि शिवसेनेचे नाते तोडण्याचा प्रयत्न, कोकणचे अदानीकरण होऊ देणार नाही”, उद्धव ठाकरेंचा इशारा

मुख्यमंत्री येती शहरा, आधी रस्ते दुरुस्त करा; अंबरनाथमधील खड्ड्यांपासून खाचखळगे तातडीने दुरुस्ती

कल्याण : विषय संपल्याने रडारड करणाऱ्यांपेक्षा लढणाऱ्यांच्या पाठीशी रहा; देवेंद्र फडणवीस यांचा उध्दव ठाकरे यांच्यावर हल्लाबोल

विचार करण्याची हीच ती वेळ…

चुकीची माणसं आजपर्यंत निवडून दिल्याने कोकण मागे पडले – राज ठाकरे

‘पूर्व’ आणि ‘पश्चिम’ पुण्याचा वाद जुनाच

कार्यक्रमाचे प्रारंभी अनुप धोत्रे यांनी गणेश पूजन केले. पुजेमध्ये २७ जोडपे सहभागी झाले होते. दोन तास विशेष पूजा, मंत्रोच्चार सुरू होते. यावेळी २५१ अथर्वशीर्ष पाठ करण्यात आले. ‘गण गणात बोते’, ‘जय गजानन,श्री गजानन’चा जप करून सप्तऋषींना स्मरण केले. महाआरती विजय अग्रवाल यांच्या हस्ते करण्यात आली. गणेशोत्सवानिमित्त प्रदेश सरचिटणीस आमदार रणधीर सावरकर, आमदार गोवर्धन शर्मा, आमदार वसंत खंडेलवाल, आमदार हरीश पिंपळे, आमदार प्रकाश भारसाकले, किशोर पाटील, जयंत मसने यांच्या नेतृत्वात वेगवेगळे कार्यक्रम भाजपच्यावतीने घेण्यात येत आहेत.