माता न तू वैरिणी! पोटच्या मुलीला ठार मारणारी निर्दयी आई गजाआड; नाकाला चिमटा लागून चिमुकलीचा मृत्यू झाल्याचा रचला होता बनाव..

अकोला : पती-पत्नीच्या वादात चिमुकल्या मुलीचा बळी गेल्याचा धक्कादायक प्रकार अकोला शहरात उघडकीस आला आहे. आईनेच पोटच्या मुलीची हत्या केल्याचे पोलीस तपासात तब्बल दोन महिन्यानंतर समोर आले. या प्रकरणाची तक्रार मुलीच्या वडिलांनीच केली होती. उत्तरीय तपासणी अहवालातून हत्येचा उलगडा झाला. शहरातील बलोदे लेआऊट येथील रहिवारी आमले दाम्पत्यामध्ये लग्नापासून वाद होते. पत्नीने पतीला घटस्फोटाची मागणी देखील केली होती.