‘देवेंद्र फडणवीसांसारखा खोटारडा माणूस इतिहासात…’ संजय राऊत म्‍हणाले, पुलवामासारखा भयंकर प्रकार…’

माजी मुख्‍यमंत्री उद्धव ठाकरे यांनी पुत्रप्रेमापोटी पक्षाकडे दुर्लक्ष केले. एकनाथ शिंदे यांना खोट्या प्रकरणांमध्‍ये अडकविण्‍याचा प्रयत्‍न केला, त्‍यामुळे त्‍यांचा पक्ष फुटला, अशी टीका देवेंद्र फडणवीस यांनी केली होती. त्‍यावर प्रतिक्रिया देताना संजय राऊत म्‍हणाले, जेव्‍हा गोपाळ लांडगे यांना उमेदवारी देण्‍यात आली होते, तेव्‍हा एकनाथ शिंदे हे उद्धव ठाकरे यांच्‍याकडे आले होते. श्रीकांत शिंदे यांच्‍या उमेदवारीसाठी हट्ट धरला. तेव्‍हा तर श्रीकांत शिंदे राजकारणात, समाजकारणातही नव्‍हते. एका कट्टर शिवसैनिकाचे तिकीट कापून उमेदवारी मिळवणे याला काय म्‍हणतात, हे महाराष्‍ट्राला ठाऊक आहे, अशी टीका संजय राऊत यांनी केली.

आणखी वाचा

“धर्माचा वापर करून महाविकास आघाडीचे प्रमुख नेते वोट जिहाद करत आहेत”, फडणवीस यांची टीका

महायुतीला सत्ता मिळाली, लाडक्या बहिणींना २१०० रुपये कधीपासून…

लोकसभेतील अपयशानंतर ‘भारत जोडो’सारख्या शक्तींवर मात; विधानसभेत प्रभाव नसल्याचे देवेंद्र फडणवीस यांचे प्रतिपादन

“सुनील केदार हे मारुतीच्या बेंबीतला विंचू”, शिवसेना नेते भास्कर जाधव यांची जहरी टीका

संजय राऊतांमुळे राज्यातील आघाडीचे सरकार गेले, विश्वजित कदम यांची खोचक टीका

मोदी हे भारतातील मशिदी उद्ध्वस्त करणारा कायदा आणणार, एमआयएमचे नेते असदुद्दीन ओवैसी यांची आरोप

‘व्होट जिहाद’विरोधात ‘मतांचे धर्मयुद्ध’ पुकारावे ; उपमुख्यमंत्री देवेंद्र फडणवीस यांचे आवाहन

हेही वाचा…एस.टी.बसेसवर शिवसेनेच्या जाहिराती ! आचारसंहितेचा भंग; काँग्रेसची आयोगाकडे तक्रार

आज देशातील लोकांना गुलाम बनवण्यात आले आहे, लोकशाही संपवण्याचा प्रयत्न सुरू आहे. जगभर देशाची अप्रतिष्ठा करण्यात आली आहे. पुलवामा सारखा भयंकर प्रकार राजकारणासाठी घडविण्यात आले. मात्र यावेळी असे होणार नाही. महाराष्ट्रावर सर्वांचे लक्ष आहे. आम्ही ज्या भाजपसोबत मैत्री आणि युती केली होती तो अटल बिहारी वाजपेयी यांचा भाजप होता. आता मात्र तो पक्ष कुठेही नाही. हा नरेंद्र मोदी यांचा पक्ष आहे. अटल बिहारी वाजपेयी यांचा भाजप आणि आता या मोदींच्या पक्षात बराच मोठा फरक असल्याचे खासदार संजय राऊत म्‍हणाले.

हेही वाचा…यवतमाळ : शिवसेना (उबाठा)चे संजय देशमुखांवर खोटी माहिती दिल्याचा आरोप

आतापर्यंत अमरावतीमध्ये देखावे झाले, नाचगाणे झाले, नृत्याचे कार्यक्रम झालेत, थापेबाजी झाली, दंगली घडवल्या, मात्र त्याचा काहीही परिणाम अमरावतीच्या मतदारांवर होईल असे मला वाटत नाही. अमरावती सारखेच चित्र संपूर्ण महाराष्ट्र आणि देशातले आहे. यामुळेच करोना काळात ज्याप्रमाणे जनतेने ‘गो करोना गो’चे नारे दिले होते, त्याच प्रकारे आता जनता ‘गो मोदी गो’ चा निर्णय घेणार असल्याचे देखील संजय राऊत म्हणाले.