बुलढाणा: मलकापुरात मुसळधारेसह वज्राघात; महिलेचा मृत्यू, एक गंभीर

आज रविवारी १८ ऑगस्ट रोजी मलकापूर तालुक्यात मुसळधार पावसाने सर्व दूर दमदार हजेरी लावली. मलकापूर शहर परिसर आणि तालुक्यातील अनेक गावांत पाऊण ते एक तास धुवांधार पाऊस बरसला. तालुक्यातील म्हैसवाडी, विवरा गाव आणि शेत शिवारात पावसाचा आवेग जास्त होता . पुष्पा प्रभाकर राणे (वय ५६ वर्ष, राहणार म्हैस वाडी, तालुका मलकापूर) यांचे म्हैसवाडी शिवारात शेत आहे. त्या आणि म्हैसवाडी गावातीलच योगिता विनोद किनगे (वय ४५ वर्ष) या दोघी शेतात काम करीत होत्या. यावेळी वादळी वाऱ्यासह पावसाला सुरुवात झाली. पाऊण ते एक तास मुसळधार पाऊस बरसला. दरम्यान अचानक वीजेचा लोळ अंगावर कोसळून पुष्पा राणे यांचा जागीच मृत्यू झाला. त्यांच्या सोबतच्या सहकारी महिला योगिता किनगे या सुदैवाने बचावल्या असल्या तरी गंभीर रित्या जखमी झाल्या आहे. विजेचे हे तांडव शेजारीच शेत असलेल्या चेतन पाटील यांच्या निदर्शनास आले. त्यांनी तातडीने म्हैसवाडी चे पोलीस पाटील योगेश पाटील यांना भ्रमणध्वनी वरून या दुर्दैवी घटने संदर्भात माहिती दिली. योगेश पाटील यांनी तातडीने घटनास्थळाकडे धाव घेत तहसीलदार राहुल तायडे, मंडळ अधिकारी वानखेडे, तलाठी कौशल महाजन व दसरखेड एमआयडीसी पोलीस स्टेशनचे पोलीस निरीक्षक हेमराज कोळी यांना भ्रमणध्वनी वरून सदर घटनेची माहिती दिली. केली.

आणखी वाचा

कोंढव्यात दुचाकी घसरुन महिलेचा मृत्यू; दुचाकीस्वार पती जखमी

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

पाळीव प्राण्यांच्या विरहाच्या भीतीने नैराश्य, तरुणाची गळफास घेऊन आत्महत्या

पुणे : शहरात वेगवेगळ्या अपघातात तिघांचा मृत्यू

ठाणे : अपघातात एकाचा मृत्यू, ओवळा नाका येथील घटना

पतीच्या छळामुळे दोन महिलांची आत्महत्या; कोंढवा, विमानतळ पोलिसांकडून गुन्हे दाखल

सातारा रस्त्यावर टेम्पोच्या धडकेत महिलेचा मृत्यू, दाम्पत्य जखमी; अपघातानंतर टेम्पोचालक पसार

भाईंदर: महापालिकेच्या सेल्फी पॉईंटमधील विजेचा धक्का, जखमी मुलीचा उपचारादरम्यान मृत्यू

हेही वाचा : ठाकरे गटाचा आणखी एक आमदार ‘एसीबी’च्या रडारवर! पाल्यांच्या शैक्षणिक खर्चाची…

वेळीच मिळाली मदत

योगा योगाने याचवेळी राष्ट्रवादी काँग्रेस पार्टीचे युवा नेते शुभम लाहुळकर हे नजीकच्या रस्त्याने जात होते. त्यांना घटनेची माहिती मिळताच त्यांनी जखमी योगिता किनगे यांना स्वतःच्या चार चाकी वाहनाने मलकापूर आणत तातडीने खाजगी रुग्णालयात उपचारार्थ भरती केले. त्यामुळे गंभीर जखमी योगिता किणगे यांच्यावर लवकर उपचार करणे शक्य झाले. दुसरीकडे मलकापूर नगरपरिषद चे माजी नगराध्यक्ष अॅडव्होकेट हरीश रावळ यांनी घटनेची माहिती मिळताच मलकापूरहून रुग्णवाहिका पाठवीली. त्या वाहनातून पुष्पा राणे यांचा मृतदेह उपजिल्हा रुग्णालयात आणण्यात आला.

बैल ठार

दरम्यान म्हैस वाडी प्रमाणेच दसरखेड औद्योगिक वसाहत परिसरातील विवरा येथे पाऊस आणि विजेने आज शुक्रवारी थैमान घातले.यामुळे नीलिमा प्रकाश चोपडे यांच्या शेतात असलेल्या बैलावर वीज कोसळून तो जागीच दगावला. विवरा येथील पोलीस पाटील यांनी दसरखेड एमआयडीसी पोलीस ठाण्याला याची माहिती दिली.

हेही वाचा : विधानसभा निवडणूक : भाजपसोबत असणारा तेली समाज उमेदवार पाडण्याचा इशारा का देतो आहे?

सर्वाधिक पाऊस

दरम्यान जिल्ह्यात आज अखेर मलकापूर तालुक्यात सर्वाधिक पावसाची नोंद झाली आहे. तालुक्याचे वार्षिक पर्जन्यमान ७०५. ५ मिलिमीटर आहे. त्या तुलनेत तालुक्यात आज १८ ऑगस्ट अखेर ५३२ मिलिमीटर पावसाने हजेरी लावली आहे. याची टक्केवारी ७५.३१ इतकी आहे. पिकपाण्याची स्थिती चांगली असल्याने लाखावर शेतकरी सुखावले आहे.