चंद्रपुर : बाजार समितीचे उपसभापती पोडेंसह तिघांचा वर्धा नदीत बुडून मृत्यू

चंद्रपूर : मोठ्या वडिलांच्या अस्थी विसर्जनासाठी गेलेल्या चंद्रपूर कृषी उत्पन्न बाजार समितीचे उपसभापती गोविंदा पोडे (४७), त्यांचा मुलगा चेतन गोविंदा पोडे (१६ ) व भाचा गणेश रवींद्र उपरे (१७) या तिघांचा वर्धा-इरई नदीत बुडाल्याने मृत्यू झाला. ही घटना सायंकाळी उघडकीस आली असून एकाचा मृतदेह मिळाला तर अन्य दोघांचा शोध सुरू आहे. नांदगाव (पोडे) येथील गोविंदा पोडे यांचे मोठे वडील घनश्याम पोडे यांचे ११ नोव्हेंबर रोजी निधन झाले होते. आज त्यांच्या अस्थीविसर्जनासाठी संपूर्ण कुटुंबीय वर्धा-इराई नदीच्या संगमावर दुपारी १ वाजता गेले. पूजेनंतर अस्थी विसर्जन करण्यात आले.