नागपूर : नागरिकांना फिरण्यासाठी आणि मुलांना खेळण्यासाठी आवश्यक उद्याने संकटात सापडले आहेत. काही उद्याने विकासाच्या नावावर बंद करण्यात आली आहे तर काहींवर अतिक्रमण केले जात आहे. अंबाझरी, दत्तात्रयनगर उद्यानात विकासकामे सुरू असल्याने बंद आहे. सावकरनगर उद्यानात फूड प्लाझा परवानगी देऊन उद्यान संकुचित केले जात आहे. तर उत्तर नागपुरात नारा प्रस्तावित उद्यानाच्या जागेवर बांधकाम व्यावसायिकांचा डोळा आहे. अंबाझरी उद्यान गेल्या पाच वर्षांपासून बंद आहे. उद्यानातील लहान मुलांचे खेळाचे साहित्य मोडकळीस आले आहे. पायी चालण्यासाठी असलेल्या मार्गाचे नुकसान झाले आहे. उद्यानातील हिरवळ नष्ट झाली आहे. या उद्यानाजवळ डॉ. बाबासाहेब आंबेडकर स्मारक व सांस्कृतिक भवन होते. या परिसरात खासगी कंपनीद्वारे विकास करण्याचे योजना होती. त्यामुळे हे उद्यान बंद करण्यात आले. आता तो प्रकल्प रद्द झाला. परंतु, उद्यान नागरिकांसाठी खुले करण्यात आले नाही. त्यामुळे अंबाझरी शेजारील वसाहतीमधील नागरिकांची गैरसोय होत आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
