सोन्याचे दर नवीन उच्चांकीवर… हे आहे आजचे दर…

नागपूरसह राज्याच्या विविध भागात हल्ली लग्न, वाढदिवसासह इतरही कार्यक्रमांचे आयोजन वाढले आहे. या कार्यक्रमात आजही अनेक नागरिक सोने- चांदीचे दागिने वा इतरही वस्तू भेट देत असतात. त्यामुळे आता नागपुरातील सराफा व्यवसायिकांकडे ग्राहकांची गर्दी दिसत आहे. या ग्राहकांकडून लग्न असल्यास मंगळसूत्र वा इतर दागिने, बारसे असल्यास बाळासाठी चाळ तर इतरही ग्राहकांकडून विविध कार्यक्रमानुसार दागिन्यांना मागणी आहे.

दरम्यान, नववर्षात सोन्याचे दर वाढल्याने ग्राहकांमध्ये चिंता होती. परंतु शुक्रवारी २४ जानेवारीला सोन्याच्या दरात बदल झाला. आता सोन्याचे दर चढतीवरच आहे. नागपुरातील सराफा बाजारात नववर्षाच्या पहिल्या दिवशी १ जानेवारी २०२५ रोजी सोन्याचे दर प्रति दहा ग्राम ७६ हजार ९०० रुपये, २२ कॅरेटसाठी ७१ हजार ५०० रुपये, १८ कॅरेटसाठी ६० हजार रुपये, १४ कॅरेटसाठी ५० हजार रुपये नोंदवले गेले होते. हे दर २४ जानेवारी २०२५ रोजी २४ कॅरेटसाठी प्रति दहा ग्राम ८० हजार ७०० रुपये, २२ कॅरेटसाठी ७५ हजार १०० रुपये, १८ कॅरेटसाठी ६२ हजार ९०० रुपये, १४ कॅरेटसाठी ५२ हजार ५०० रुपये नोंदवले गेले. हे दर एक दिवसापूर्वी २३ जानेवारीला २४ कॅरेटसाठी प्रति दहा ग्राम ८० हजार ३०० रुपये, २२ कॅरेटसाठी ७४ हजार ७०० रुपये, १८ कॅरेटसाठी ६२ हजार ६०० रुपये, १४ कॅरेटसाठी ५२ हजार २०० रुपये होते. त्यामुळे राज्यात २३ जानेवारी २०२५ रोजीच्या तुलनेत २४ जानेवारी २०२४ रोजी सोन्याचे दर २४ कॅरेटसाठी प्रति दहा ग्राम ४०० रुपये, २२ कॅरेटसाठी ४०० रुपये, १८ कॅरेटसाठी ३०० रुपये, १४ कॅरेटसाठी ३०० रुपये वाढल्याचे दिसत आहे.

चांदीच्या दरातही मोठे बदल…

नागपुरातील सराफा बाजारात २३ जानेवारी २०२५ ला चांदीचे दर ९१ हजार ५०० रुपये प्रति किलो होते. हे दर २४ जानेवारी २०२५ रोजी ९१ हजार ९०० रुपये प्रति किलो नोंदवले गेले. त्यामुळे २३ जानेवारी २०२५ रोजीच्या तुलनेत नागपुरात २४ जानेवारी २०२५ रोजी चांदीच्या दरात ४०० रुपये प्रति किलो वाढ नोंदवली गेली.