बुकी सोंटू जैन करणार पोलिसांसमोर आत्मसमर्पण!

बनावट ऑनलाईन गेमींग अॅप बनवून देशभरातील हजारो गुंतवणूकदारांची शेकडो कोटींनी फसवणूक करणारा बुकी सोंटू जैन हा नागपूर पोलिसांच्या हातावर तुरी देऊन पळाला होता. त्याला आतापर्यंत शोधण्यात पोलीस अपयशी ठरले आहेत. सोंटू हा राज्यातून पसार झाल्यामुळे पोलिसांच्या हाती लागण्याची शक्यता मावळली होती. सोंटूकडे सध्या शेकडो कोटींची संपत्ती असून ती संपत्ती त्याने अनेक नातेवाईक, मित्र आणि नोकरांच्या नावे करून ठेवली आहे.

आणखी वाचा

‘महाभारताचा’ उल्लेख करत फाशीची शिक्षा, उच्च न्यायालयाचे सत्र न्यायालयावर ताशेरे…

Nana Patole : निकालाआधी राजकीय घडामोडींना वेग; यातच…

अरुणकुमार सिंगच्या कर्मचाऱ्याकडून आशिष मित्तलला पैसे, कल्याणीनगर अपघात प्रकरण

नवाब मलिक यांना तूर्त दिलासा, मात्र….; वैद्यकीय जामिनावर असताना त्रासाविना प्रचार करत असल्याची उच्च न्यायालयाकडून दखल

मुंबई : गस्तीवर असलेल्या पोलीस अधिकाऱ्यावर हल्ला

तरुणाच्या कुटुंबीयांसाठी सर्वोच्च न्यायालय मदतीला; अकरा वर्षांपासून अंथरुणाशी खिळलेल्या तरुणावर आता सरकारी उपचार

नवाब मलिक यांचा जामीन रद्द करा ,मागणीसाठी उच्च न्यायालयात याचिका; जामिनाच्या अटींचे उल्लंघन केल्याचा दावा

हेही वाचा : मध्य रेल्वेचा दिलासा ! दसरा, दिवाळीनिमित्त विशेष गाड्या धावणार

तसेच त्याने कोट्यवधीची रोख रक्कम कुठेतरी दडवून ठेवली आहे. गोंदियातील सोंटू जैनने नागपुरातील तांदूळ व्यापारी विक्रांत अग्रवाल यांची ५८ कोटींनी फसवणूक केली. या प्रकरणी गुन्हा दाखल होताच सोंटू दुबईला पळून गेला होता. सोंटूच्या घरातून १५ किलो सोने, ३०० किलो चांदी आणि १८ कोटींची रक्कम जप्त केली. तसेच जवळपास १०० कोटींची अन्य मालमत्ता जप्त केली.

हेही वाचा : राज्यातील पोलीस उपनिरीक्षकांना दिवाळीत पदोन्नतीचे ‘गिफ्ट’; रखडलेली पदोन्नतीची प्रक्रिया सुरु झाल्याने आनंद

सोंटूने पाण्यासारखा पैसा खर्च करून अटकपूर्व जामीन मिळवला होता. मात्र, त्याचा जामीन सर्वोच्च न्यायालयातून फेटाळल्यामुळे सोंटूकडे दुसरा पर्याय शिल्लक नव्हता. पोलिसांच्या डोळ्यासमोरून नाट्यमयरित्या पळून गेलेला सोंटू आता गुन्हे शाखेसमोर आत्मसमर्पण करणार असल्याची माहिती पोलीस सूत्रांनी दिली आहे.