नागपूर : नांदेडमध्ये खासदार हेमंत पाटील यांनी अधिष्ठात्यांना चक्क स्वच्छतागृह साफ करायला लावले. या घटनेच्या निषेधार्थ येथील मेडिकल- मेयो या दोन्ही शासकीय वैद्यकीय महाविद्यालय व रुग्णालयातील निवासी डॉक्टर, पदवीचे विद्यार्थी, परिचारिका संघटनांनी एकत्र येत खासदार हेमंत पाटील यांच्या विरोधात जोरदार निदर्शने केली.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

नागपुरातील इंदिरा गांधी शासकीय वैद्यकीय महाविद्यालय व रुग्णालय (मेयो) आणि शासकीय वैद्यकीय महाविद्यालय व रुग्णालयातील (मेडिकल) निवासी डॉक्टरांनी प्रथम त्यांच्या संस्थेतील अधिष्ठाता कार्यालय परिसरात एकत्र येत खासदारांच्या विरोधात जोरदार निदर्शने केली. खासदाराने अधिष्ठात्यांची माफी न मागितल्यास पुढच्या काळात संपावर जाण्याचा इशारा देण्यात आला.

हेही वाचा : सकाळची रेल्वेगाडी धावते सायंकाळी! प्रवाशांचे बेहाल; समस्या सांगूनही लोकप्रतिनिधी घेईनात दखल

शासकीय रुग्णालयांमध्ये औषध व इतर पायाभूत सुविधांचा तुटवडा होण्यास शासनच कारणीभूत आहे. कर्मचाऱ्यांची आवश्यक पदेही भरण्यात आली नाही. त्यामुळे स्वच्छतेसह इतर कामे डॉक्टर वा इतर अधिकाऱ्यांनी रुग्णसेवा सोडून कशी करावी ? असा सवाल आंदोलकांनी केला. आंदोलनात निवासी डॉक्टरांची संघटना मार्ड, पदवीच्या विद्यार्थ्यांची असोसिएशन ऑफ स्टेट मेडिकल इंट्रन्स महाराष्ट्र, महाराष्ट्र राज्य परिचारिका संघटना सहभागी झाल्या होत्या.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: In nagpur medical college students and resident doctors protest against mp hemant patil mnb 82 css