नागपूर : महाविकास आघाडीच्या सभेला विरोध करणारे भाजपा आमदार कृष्णा खोपडे यांचा शिवसेना ठाकरे गटाचे प्रवक्ते खासदार संजय राऊत यांनी चांगलाच समाचार घेतला. ‘उलटी खोपडी के लोग हैं, वो ऐसा विरोध करते रहते हैं।” असे ते म्हणाले.
महाविकास आघाडीच्या ‘वज्रमुठ’ सभेच्या निमित्ताने राऊत शुक्रवारी नागपुरात आले असता माध्यमांशी बोलत होते. त्यांनी सभास्थळाची पाहणी केली. सभेला विरोध करणारे भाजपा आमदार कृष्णा खोपडे यांच्यावर टीका करताना राऊत म्हणाले, “ये उलटी खोपडी के लोग हैं, वो ऐसा विरोध करते रहते हैं, ते आमचेच काम करीत आहे.
हेही वाचा – “कहीं हम भूल न जायें” चंद्रपुरात १८ तास निरंतर अभ्यास उपक्रमाने महामानवास अभिवादन
सभेचा प्रचार यामुळे होतो. सभेला खोपडे यांचा विरोध का? लोकशाहीत बोलण्याचा प्रत्येकाला अधिकार आहे. सर्वच बोलतात, आम्ही बोललो तर त्यांना त्रास का होतो, असा सवाल राऊत यांनी केला.
