अंबाझरी तलावात उडी घेऊन कापड व्यावसायिकाची आत्महत्या

नागपूर : एका कापड व्यावसायिकाने अंबाझरी तलावात उडी घेऊन आत्महत्या केली. दिनेश भंवरलाल जैन (३५) रा. कपिलनगर चौक, नारी रोड, असे मृताचे नाव आहे. दिनेश जैन यांचे कपड्यांचे दुकान आहे. त्यांची पत्नी गृहिणी असून त्यांना एक मुलगी आहे. शनिवारी सायंकाळी दिनेश घरून निघाले. पत्नीला बजाजनगर येथे राहणाऱ्या मावशीकडे जात असल्याचे सांगितले. सायंकाळी ७ वाजताच्या सुमारास ते मावशीकडे न जाता अंबाझरी तलाव परिसरात पोहोचले.